Vawiin chawhma dar 10:30 khan Prime Minister Employment Generation Programme (P.M.E.G..P.) chungchang inzirtirna chu D.I.C. Training Hall, Saiha-ah neih a ni. He Training programme hi Pu John Saikhuma, General Manager, D.I.C., Saiha chuan a kaihruaia, hawnna inkhawma khuallian Pu Thangchem Zathang, Addl. D.C.. Saiha chuan thu sawiin hmasawna rahbi kan rah theihna tur leh retheihna kan umbo theih nan sawrkar chuan P.M.E.G..P. duang chhuakin he programme hi mipuiten kan tih hlawhtlin a pawimawh a ni, a ti a, hlawhtlinna nei tur chuan rinawmna, taimakna leh tumruhna kan neih a ngai ani, a ti bawk. Mizoram Sorka- in N.L.U.P. Policy hmangin Mizoram mipuite min chawikan a tum mek a, he policy hi a hlawhtlin theih nan mipuite theihtawp a tan la turin kalkhawmte a ngen nghal bawk a ni. Awareness Programme hmangtu te chu hmahruaitu tur, midangte entawn tur an nih inhre reng tura fuihin PMEGP hminga hmalakna turah District hlawhtlinna chu an kutah a awm dawn a ni tiin theihtawpa tan laa a tihlawhtlingtu nih tum theuh turin kalkhawmte chu a chah bawk a ni.

 

 

       
He training ah hian powerpoint presentation hmangin PMEGP hnuaia loan la tur te hriat tur tul hrang hrangte inzirtirna neih a nih bakah thupui then hrang hrang hmangin Pu Arjun Joyshi, Manager, Mizoram Rural Bank (M.R.B.) Saiha, Pu John Saikhuma, Manager, D.I.C., Saiha, Pu C.Rotluanga, D.O., Mizoram Khadi Village Industries Board (M.K.V.I.B)., Lawngtlai, leh Pi Lalsangpuii, Manager,Mizoram Co-operative Apex Bank( M.C.A.B.) ten thu sawina hun an hmang a, he awareness programme ah hian Saiha district chhung khaw hrang hrang atangin mi 100 chuang an tel a ni.