No.2938/2021-2022

Aizawl, the 10th November 2021 : Mizoram Legislative Assembly hnuaia MLA 7-te awmna Public Accounts Committee (PAC) chuan November ni 15 leh November ni 16 ah te khian Agriculture Department leh Environment, Forests & Climate Change Department te hmalakna, CAG Report Report 2014-15 leh 2015-16 a tarlan, hmun thenkhatte tlawhin Site Visit an nei dawn.

November ni 15 khian PAC chuan Ramhlun, Seling, Thingsul Tlangnuam leh Sesawng a Agriculture Department hmalakna, CAG Report 205-16 a tarlan chungchanga helai hmun te an tlawh dawn a. November ni 16 ah Slaughter House, Mualpui leh Zoram Medical College,Falkawn ah te bawlhlawh sawngbawlna leh halralna kaihhnawiha Environment, Forests & Climate Change Department hma lakna, CAG Report 2014-15 a tarlan chungchang leh Saikhamakawn, Melriat, Melthum leh Tuikhuahtlang ah te Argiculture Department hma lakna, CAG Report 2015-16 a tarlan chungchangah heng hmun te hi an tlawh dawn a ni.

PAC Chairman hi Pu Vanlalhlana niin Member te chu – Pu Zodintluanga Ralte, Pu Ramthanmawia, Dr. ZR. Thiamsanga, Pu Lalrinsanga Ralte, Dr. Vanlalthlana leh Pu Zothantluanga te an ni.