Nimin khan Pu Kazushi Hashimoto, Adviser, Japan Sanitation Consortium chu Aizawl ah a lo thleng a, Packaged Aerated Waste Water Treatment Plant (PAWTP) (Johkasou) Pilot Project neihna hmun tur chu SIPMIU Engineer ten nen an en ho.

PAWTP (Johkasou) hi Japan thiamna hmanga Septic Tank siam leh enkawlna tur a ni. Pilot Project (enchhinna) hi Aizawl khawpui chhung ah hmun thum ah neih tur a ni a, Aizawl Tourist Lodge ah mi 100 inhman tawm theih tur leh Civil Secretariat Complex chhung ah mi 500 inhman tawm theih tur bakah mipui/vantlang hman theih tur in Civil Secretariat kawt ah te dah tum a ni. Civil Secretariat ah hian Pu Laldingliana, Jt Sect SAD leh Pu Lalremruata Ralte, Under Secy, SAD ten an lo enpui bawk a ni. PAWTP (Johkasou) Pilot Project, SIPMIU in Project-3 na ah siam turin an inbuatsaih mek a ni.