Chapchar Kut denchhena Art & Culture, Horticulture leh Mizoram Florist Association ten Assembly Annexe a Chapchar Kut Flower Show an buatsaih chu Pu P.C. Lalthanliana, Horticulture Minister in vawiin chhun dar 12:00 khan a hawng.

Pangpar chin hi tunhma chuan inawmtleina (hobby) chi khat deuhah hman a niin tunah erawh chuan kalphung inthlakin eizawnna, sum hailuhna hmanrua ber pawl ah a lo chang ta tiin khuallian Horticulture Minister chuan Mizoram ah puipunna leh programme pawimawh ah te pangpar tharlam (fresh flower) mawi tak a khawi hmuh tur a tam ta chu a lawmawm thu leh nun a tihhlim bakah eizawnna tha tak a nih tak thu a sawi.

Horticulture Department in nasa taka hma a lak dan sawiin Minister chuan tunah pawh hian vanneihthlak  takin Centrally Sponsored Scheme, MIDH atangin scheme tha tak tak ruahman a  kalpui a niin, khawvel pangpar tha leh changkang Anthurium leh Gladiolus te chingin kalpui mek a nih dan leh division hrang hranga pangpar chingtute hnenah a thawna sem chu hlawhtlinpui thahnem tak an awm chu lawmpuiawm a tih thu sawiin tunah hian Anthurium variety hrang hrang a chi tha Rijn leh Anthura Company Holand atanga 76000 (Sing sarih sangruk) chuang chah mek a ni tiin tunah phei chuan Delhi lamah te thlenga heng pangpar hralhna tur Phool Mandi Gaziabad, New Delhi ah hralhna hmuin thawn thlak reng a nih thu a sawi.  Pangparte hian rilru an ti hlimin an thianghlim em em a, ‘Pangpar angina I chetzia lantir rawh’ tih ang in sorkar chauh ring lova, sorkar thawhpuia tangtlang zeal nundan mawi chhawm zelinkanramkanhnam tan pangpar chin uar zelturinkalkhawmte a sawm a ni.

Pi Lalnuntluangi, President Mizoram Florist Association in hawnna inkhawm hi a kaihruai a, Florist Association ten Mizoram state pawnlama pangpar sawngbawldan tha zawkte  zir nana zinchhuah  leh pangpar chi man tlawm zawka lei theih dan zawnpui tur a Minister an ngenna chu Horticulture Minister chuan sorkar kumthar lama ngaihtuah pui a tum thu a sawi.

Vawiin atanga Zirtawp ni 6th March, 2015 thleng awh tur Flower Show hi zing dar 9 atanga tlai dar 5 thleng hawn tur a ni a, dawr 41 awmin pangpar chi hrang hrang zawrh a ni. Florist Association te hian an din tan kum 2009 atanga khan Branch 12 hawng tawhin member 1000 chuang an awm mek a. Rs nuai 100 chuang an lei chhuak tawh a. Pangpar lam kaihhnawih lehkhabu tha tak tak 4 an ti chhuak tawh bawk a ni.