DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/parliament-winter-session-neih-mekah-mp-pu-kvanlalvenan-vawk-pul-hrileng-avanga-mizoram-tawrhna-a-sawi-chhuakp

PARLIAMENT WINTER SESSION NEIH MEKAH MP PU K.VANLALVENA'N VAWK PUL HRILENG AVANGA MIZORAM TAWRHNA A SAWI CHHUAK

No.3267/2021-2022

Aizawl, 3rd December, 2021 : Parliament thlasik thutkhawm neih mek ah vawiin khan Rajya Sabha MP Pu K. Vanlalvena chuan thu a sawiina hun tha tak changin, African Swine Fever (ASF) vanga Mizoram tawrhna chungchang a au chhuahpui.

Pu K. Vanlalvena chuan AH&Vety Department, Govt of Mizoram report dan tarlangin Mizorama District sawmpakhata khaw 271 ah ASF avangin vawk 29800 an thih tawh thu Parliament house a hrilh a. Hri kai rinhlelh vawk 10380 tihhlum a nih tawh bakah, heng vawk thi zawng zawngte hlut zawng hi cheng vaibelchhe sang riat vel ni a chhut chhuah a nih thu Parliament house a hriattir bawk a ni.

Pu k. Vanlalvena chuan tun ang hunah hetiang zat laia tam mihring ranvulh thihna hi kuthnathawktu mirethei te tan chuan Disaster leh Natural Calamity a nih thu sawiin, he African Swine Fever tuar tute zawng zawng hnenah zangnadawmna pe turin Central sawrkar a ngen nghal bawk a ni.