Vawiin chawhma dar 10:00 khan Parliamentary Secretary to Chief Minister Pu Lal Thanzara chuan Mizoram Polytechnic Hrangchalkawn, Lunglei hmuna awmchu tlawhin, Building leh thildang a an harsatna te a enfiah puia. Hemi hnu hian Polytechnic zirlai ten Farewell Cum Re-Union leh Magazine tlangzarhna hun an buatsaih a hmanpui nghal a ni.

Ram hmasawnna hnuk leh mawh lian tak tak kalpui tur chuan Technical lama thiamna neite ram tan an pawimawh bik a. hei hi sawrkar in a hria, Technical thiamna nei anlo punzual nan sawrkar pawhin Mizoram hmun hrang hrang ah Polytechnic zirna hmun hawng thei thuai tura hma a lak mek thu he zirlai kal chhuak turte puala Function siam ah hian Parliamentary Secretary chuan a sawi a ni. Mizo te hian thil chhut chiang manglova thiante zui mai thin leh thiante zir ang zir chawt zel kan ni a, hei hian thiamna tak tak zir chhuak silova Degree nei unemployment ti pungtu mi tam tak a chher chhuak a, ram chang kang zawk te an tawn in vocational subject te kan uar zawk a hun tawh a ni, a ti. Pu Lal Thanzara chuan zirlai te chu zirlai pawl hruaitu, Politics khelh tumte thangkam a awk lo turin a chah a, Politics a zuanluh an tum anih pawhin anzirlai bika chhawrtlak thiamna an neih hmasak phawt a that zawk thu a sawi bawk a ni. Parliamentary Secy. chuan Polytechnic hmun hma a enfiah na ah contract leh work department te hnathawh tha tawklo chu a sawisel a. Hmun pilril leh veng hmawra contract hna leh kawng siamte a chhe thin lutuk chu alo zia awm nan mipui ten sawrkar an puih bawm thin a ngai a ni, a ti.

Mizoram Polytechnic Lunglei a zirlai te Function huai hawt ah hian Mizoram Polytechnic Principal hmasa ber leh he zirna in a tana thahnem ngai taka lo thawk tawh Er.C.Thanseia chu khual zahawm niin, Principal nimek Er.B.Lalhmuakluaia’n report tawi leh Polytechnic in a mamawhte sawi chhuahna hun a nei a ni. He huna khuallian Parliamentary Secy. chuan Polytechnic harsatna leh mamawh lianzual Lunglei a Extension centre, Internet leh Telephone facility bakah Polytechnic chhunga inkalpawhna kawng chhia siamthat hna chu bawh zui sak a tiam a, Pu Lal Thanzara chuan Polytechnic building chhe zual siam that nan HPC Vice Chairman Pu Joseph Lalhimpuia hma lakna in 5 lakh. ruahman fel anih tawh thu a sawi bawk a ni.