Pu Hmingdailova Khiangte Parliamentary Secretary UD & PA chuan nimin khan Sawrkar laipui in India ram chhung Faina kawnga ke penna a kalpui mek Swachh Bharat Mission chu Kawnpui-a Awithangpa Hall ah a hawng. Mizoram ah hian Swachh Bharat Mission hi Lunglei leh Kolasib ah hawn (kick off) neih a ni tawh.

Pu Hmingdailova Khiangte chuan Ek In tha nei tura Sawrkar hmalakna kal mek ah hian Zun In pawh a tel nghal a; bawlhhlawh sawngbawl dan mumal zawk thlengin a huam thei a ni a ti. Sawrkar laipui chuan kum 2019 October ni 2 (Mahatma Gandhi piancham vawi 150) denchhenin India mipui zawng zawng te Ek In tha neih tir vek a tum a. Tunah hian mi 40% zet chu Ek In neilo an la ni a; khawvel-a Ek In nei lo zawng zawng zatve (50%) chu India mi an nih thu a sawi bawk. Parliamentary Secretary chuan Fai hi zir theih a ni a; inzirtir theih a ni bawk a. Swachh Bharat Mission pawh hian mihring thinlung chhunga Fai duhna rilru tuh ngheh sak a tum niin a sawi bawk.

Mission Kick Off ah hian VC te; NGO hrang hrang hruaitu te; Village Water & Sanitation Comt te; Self Help Group leh Zirlai naupang sawm bik te an tel a. Pu V Lalruatliana SDO(C) kawnpui charge la mektu in a kaihruai.