Mizoram-ah hmasawnna kawng hrang hrang chak takin  tunah hian a kal chho  mek a. BPL chhungkua pawh an tlem chho zel in  Za zelah BPL chhungkaw 21 aia hniam lo thin kha, BPL baseline survey 2016 a a lan dan chuan Mizoramah chhungkaw zaah 19.63 chauh BPL a ni tawh a ni. BPL chhungkaw awm miah lohna khua pawh khaw panga (5) zet mai an awm tawh.Chung khua te chu Pamchung, Rabung, Tlangmawi, Chawngtlai leh Riangtlei khua te an ni Champhai District a awm vek an ni

.Mizoram sawrkar chuan Chief Minister hmalakna in heng BPL Free Village te tan hian ‘Participatory Community Development Project for BPL Free Villages’ a ruahman a ni.

Heng khua te hi NEDP hnuaiah cheng nuai 40 theuh ruahman sak an ni ang a. An khuaah V/C te kaihhruaina in Village Development Committee (VDC) an din ang a. Chutah chuan VCP Chairman niin member-ah YMA, MUP, MHIP leh prominent citizen an ruat ang .VDC hian an khaw tana hmasawnna thlen tur, eizawnna siam sak thei tur leh sum hnar siam tur Project an ruahman ang a, cheng nuai 40 theuh sum ruahman hi project kalpui nan an hmang ang. VDC te project ruahman enpui leh a tih hlawhtlinna atana tanpui turin DC kaihhruaina hnuaiah District Planning Committee, Champhai District ruat a ni bawk. He special projects hlawhtlinna tur hian Planning & Programme Implementation Department chuan a tul angin hma a lak sak zel  dawn bawk a ni.