No.5181/2020-2021
Vawiin chawhnu khan Health & Family Welfare Minister Dr. R. Lalthangliana hovin Aizawl Municipal Area huamchhunga Partial Lockdown neih mek thlirhona neih a ni a, Pathianni zan (September ni 20, 2020) zanlai dar 11:59 thleng pawhsei an rel. Vawiin thlirhona hunah hian Home Minister Pu Lalchamliana, I&PR Minister Pu Lalruatkima, Medical Operational Team on COVID-19 Leader Dr. ZR Thiamsanga, Chief Secretary Pu Lalnunmawia Chuaungo bakah sawrkar official pawimawhte an tel a, Central YMA hruaitute leh Mizoram Kohhran Hruaitu Committee (MKHC) hruaitute an tel a ni.
Vawiin thukhawm chuan Partial Lockdown neih chhunga thil awmdante uluk takin an thlirho a, Contact tracing, Sample collection leh Sample test report te an ngaithlak hnu ah ngawrh lehzuala hmalak chhunzawm a nih a, heng thil tih tur tul zawng zawngte felfai taka zawhfel a nih theih nan Aizawl Municipal Area huamchhunga partial lockdown hman mek chu pathianni zan (September ni 20,2020) zanlai dar 11:59 thleng pawhsei an rel a ni.
Kar hmasa zirtawpni atanga Partial Lockdown puan a nih atanga vawiin chhun thleng khan Contact Tracing team, Sample lakhawmtute leh Testtu ten chhunmlo chat lovin hma an la a, vawiin chhun thleng khan ICMR portala chhinchhiah a nih danin AMC area ah sample 13,812 lakkhawm a ni a, ZMC laboratory ah nizan thleng khan sample 5751 test a ni a, RAgT 84 tih a ni a. Nimin thlengin AMC area ah COVID-19 positive 125 hmuhchhuah an ni. Partial Lockdown pawhsei chhung hian Contact Tracing, Sample Collecting leh Sample lak sa la test hman loh te chinfel hman vek tum a ni.
Health Minister chuan Covid-19 hripui lengin India ram a luhchilh khan sawrkar laipui chuan hmalak dan tur chi hrang hrang a duang a, chung zingah chuan a natna hriatchhuah a nih theihna tura endikna tur test te ram puma inangkhat a kalpui turin ruahmanna a siam a. Test na tur khawl a pawm hmasak ber chu RT-PCR khawl hi a ni, a ti a. Covid-19 pandemic Mizoram in a lo hmachhawn ve na tur hian sawrkar chuan theihtawpin hma a la a. A tirin test na hmun kan neih mai loh avangin sample 58 chu State dangah thawn a ni a. Mahni ram chhung ngeiah test a nih theih nan Zoram Medical College (ZMC) a test theihna tur hmun duangin a tirin RT-PCR khawlte hawhin bul tan a ni a. April ni 7, 2020 atang khan mahni ram chhung ngeiah kan test ve tan thei ta a ni, a ti.
Sawrkar chuan hma la zelin midang ta hawh ngawta innghat lovin RT-PCR khawl neih dan ngaihtuah a ni a. Tunah hian RT-PCR khawl 3 (pathum) hmangin mahni ram chhung ngeiah test hi kalpui chhoh mekzel a ni a, Heng atana senso tawh zawng zawng chu Rs. 1,81,72,108/- a ni, a ti.
Minister chuan Sawrkar laipuiin Covid-19 natna hriatchhuah a nih zung zung theih nan TrueNAT khawl hman a phal veleh hma kan la nghal a, Central sawrkar TB Division atanga TrueNAT June ni 12, 2020 atang khan Lungleiah Covid-19 test neih tan a ni, a ti a. Hei hi duh tawk mai lovin Chief Minister Pu Zoramthanga’n District tinah TrueNAT khawl hmanga Covid-19 natna hriatchhuah a nih theih nan hma la in Chief Minister’s Relief Fund (CMRF) atangin khawlthar TrueNAT Quattro 10 (sawm) lei min phalsak a. District tina TrueNAT Laboratory din a nih theih nan CMRF atang tho hian Truenat Quattro khawl function theihna tura mamawh dangte min pe chhunzawm nghal a, District tina Laboratory awmsa a TrueNAT Laboratory va dah ngawt chi a nih loh avangin TrueNAT Laboratory hmun ruahmanna turin sawrkarin ruahmanna felfai tak neiin sum pawh State sawrkar atangin dawn a ni, a ti a. Rapid Antigen Test pawh August ni 6, 2020 atangin kalpui a nih thu a sawi bawk.
RT-PCR Laboratory, ZMC-a tun thlenga sum senso tlangpui chu a hnuaia tarlan ang hi a ni.
Sl. No. | Particulars | Total | Fund Source |
1 | Re-agents & Consumables for RT-PCR | 1,31,23,463 | CMRF : Rs. 58,10,649 NHM : Rs. 5,03,622 State : Rs. 28,12,000 |
2 | Works | 14,27,670 | CMRF : Rs. 10,41,000 |
3 | Diet for ZMC quarantine staff | 23,20,975 | CMRF : Rs. 4,24,790 |
4 | Mobility Support | 8,00,000 | CMRF : Rs. 4,00,000 |
5 | Wages | 5,00,000 | CMRF : Rs. 3,24,000 |
| TOTAL | 1,81,72,108 |
|
District 10-a Truenat Laboratory atana sum hmuh dan chu a hnuai a mi ang hi a ni.
Sl. No. | Particulars | Total | Fund Source |
1 | Truenat Quattro | 2,01,15,000 | CMRF : 2,01,15,000 |
2 | Accessories for Truenat Laboratory |
| CMRF : 1,18,68,830 |
2.1 | Autoclave (size : 3’x2’x1’) | 4,98,432 |
|
2.2 | Steel tray (Normal size) | 2,250 |
|
2.3 | Refrigerator (4-8Deg. C) | 8,09,200 |
|
2.4 | Air Conditioner | 3,36,000 |
|
2.5 | Pipette Sets (500-1000µl) | 1,02,272 |
|
2.6 | Pipette stands | 53,856 |
|
2.7 | Pipette tips (Large) | 29,920 |
|
2.8 | Working table | 2,05,500 |
|
2.9 | Revolving chair | 72,000 |
|
2.10 | Computer table | 66,600 |
|
2.11 | Computer Chair | 64,800 |
|
2.12 | Biosafety Cabinet 2A/2B | 46,72,800 |
|
2.13 | Biosafety Cabinet | 2,98,540 |
|
2.14 | Racks | 48,000 |
|
2.15 | Almirah (Small) | 92,000 |
|
2.16 | Desktop Computer | 3,52,000 |
|
2.17 | Scanner with Printer | 52,000 |
|
2.18 | Deep Freezer (-80Deg C) | 30,10,000 |
|
2.19 | Online UPS Backup (5kVA) (At least 1 hour backup) | 8,82,000 |
|
3 | Civil works for 9 districts | 62,51,000 | State : 62,51,000 |
| TOTAL |
| Rs. 3,82,34,830 |
TrueNAT atan hian Mizoram sawrkar chuan sum ruahman belh lehin CMRF atang tho hian Rs. 1,00,00,000 hmuh leh a ni. He sum atang hian Truenat test kits supply order pawh pek tawh a ni.
Mizoram sawrkarin Rapid Antigen Test a hmuhna leh a hmuh tawh zat chu a hnuaia mi ang hi a ni.
Sl. No. | Hmuhzat | Sum zat | Hmuhna |
1 | 17,500 |
| ICMR |
2 | 10,000 | 45,92,000 | NHM |
3 | 20,000 | 91,84,000 | CMRF |
4 | 10,000 | 45,92,000 | State |
TOTAL : | 57,500 | Rs. 1,83,68,000 |
|
Rapid Antigen Test kits hi a ral chak em avangin tunah hian test kits 40,000 leina tur state sawrkarah sum dil leh mek a ni.
Attachment
- Loading attachment...
