1918/2025-2026
Aizawl District huamchhung hmun kilkhawr leh fianrial-ah te pawisa inchawiin heng Ui te, Ar te insualtir thin kan la awm tih hriat a ni a. Pawisa thapa ran insualtir hi The Prevention of Cruelty to Animals Act, 1960 Section 11 (l)(m)(ii) chuan a khap tlat a. Hetianga inhnamhnawih leh dan bawhchhetute chu pawisa chawi tir leh thia thum thlengin Lung-In ah tan tir theih an ni.
Chuvangin Er. Lalhriatpuia, District Magistrate, Aizawl District chuan pawisa thapa ran insualtir a lo rem theih nan Section 163, BNSS 2023 in thuneihna a pek angin a hnuaia khapna thupek hi a chhuah.
“Aizawl District huamchhungah mi tumahin pawisa inchawiin ran an insual tir tur a ni lo”
He khapna thupek hi chhuah a nih atangin thia hnih (2 months) chhung a huam ang a. Bawhchhia an awm a nih chuan man an ni anga, an chungah Section 223 BNS 2023 hmangin hremna lek a ni ang.
District Magistrate Seal-a nemnghetin vawiin Dt. 27.8.2025 khan hming a ziah hnan.
