Ni 27 leh 28, May 2019 khan Power & Electricity Department Minister Pu R Lalzirliana chuan Lenchim leh Tawizo Village Council buatsaih in Sawrkar thar lawmna leh Tawi Assembly Constituency-a a zawn a tum 5 MLA a tlin lawmna a hmanpui a, a puala lungphun an buatsaih hawnna hun a hmang bawk.

Minister Pu R Lalzirliana chuan sawrkar thar siam anih theih nana Tawi bial mipuite duhsakna a dawng thin chu lawmawm a tih thu a sawi a, Saitual district hmel hmuh a nih thuai theih nan hma chak taka lak a nih thu sawiin,” District thar a pian hunah chuan Saitual leh a chheh vel khaw mipuite tan a tangkai em em dawn a, taima taka hna in thawh rah te awlsam zawkin in seng theih phah tawh dawn a ni,” a ti a, sawkar thar a hmalaknate tarlangin ,” Hruaitu inngaitlawm, dawhthei leh midangte ngai chang thiam tak mai kan nei hi a vanneih thlak hle in ka hria a, he sawrkar kaihhruaina hnuaiah hian kawng chhe zualpui thawm that hna pawh nasa  taka thawh mek zel a ni,” a ti bawk. Pu R Lalzirliana chuan Mualpheng leh Tawizo inkar electric hrui kal chu enkawl a awlsam zawk nan leh a chhiat chang a siam that zung zung a nih theih nan kawng thar zawh a sawn anih tur thu a sawi bawk a ni.

Lenchim 25 kVA Distribution Transformer, Lenchim Vengthar a in 40 bawr vel chawmtu chu a awmna hmun a min mai hlauthawnawm a nih avangin P&E Minister, P&E department hotute leh khawtlang hruaituten a hmunah an enfiah a. He transformer bunna hmun lei che zel tur ven nana retaining wall rem tur a lo ruahman tawh chu Department hotute leh khawtlang hruaitute chuan transformer hunna hmun hi remchang danga sawn mai ni se tih an rel a ni. 

Mualpheng leh Tawizo inkar 11kV line kawng hlui zula a kal avanga PMGSY kawng thar lama sawn tura Tawizo khawtlang hruaitute ngenna chu a hmunah endik leh a ni a, Tawizo leh Maite inkar 11kV line thlunzawm dan tur pawh ngaituah nghal a ni. Mualpheng leh Tawizo inkarah hian 11kV line 4.1 km vel a sei ngai tura chhut a ni a, Tawizo leh Maite inkarah hian 7.8 km vel ngai tura chhut a ni bawk. P&E Minister hi Er.Vanlaltlana, SE, Transmission Circle, Er. Lalrinawma, EE, Construction Division leh Er. Peter VL Malsawma, SDO in an tawiawm a ni.