590/2023-2024

Lunglei district khawthlang lam tana inkalpawhna leh ei leh bar, bungraw hrang hrang phurhluhna kawng pawimawh tak, NH-302 kawngpuia Phairuangkai lei (bailey bridge) chu a hluiin a chhe tawh hle a, tun dinhmunah hian motor lian 12.00 metric ton (MT) aia rit tan chuan zawh ngam a ni lo a. NHIDCL chuan Phairuangkai lei hi 20.00 MT zo tura siamtha turin hma a la mek a. Tunah hian SRK Constructions and Projects Pvt. Ltd. chuan siamtha tura sum mamawh zat estimate a siam mek a ni.

Phairuangkai lei hmangtute’n harsatna an tawh loh nan leh chhiatna a thlen loh nan thupek chhuah a tul a.

Chuvangin, kei Liansangzuala Chhakchhuak, Addl. District Magistrate, Lunglei District hian Section 144 of CrPC 1973-in thuneihna min pek angin a hnuai mi ang hian thupek ka chhuah e.

“Phairuangkai lei-ah hian lirthei 12.00MT aia rit eng chi mah tlan phal a ni lo.”

He thupek hian chhuah a nih atanga thla 2 (hnih) chhung a huam ang a, he thupek zawm lote chu IPC Section 188 hmangin hrem theih an ni ang.

He thupek hian vawiin May ni 25, 2023 hian Court Seal-a nemnghetin ka hming ka ziah hnan e.