PHE Department chuan kum 2008-2009 chhunga an hnathawh thlirletna, leh department hmachhawp sawihona chu vawiin khan Chief Engineer Office Conference Hall ah an nei a. PHE Minister Pu S.Hiato chu Khuallian niin Pi L.Tochhong, Principal Secretary, PHE chu Khualzahawm a ni.
Thu sawiin Khuallian chuan PHE department hna chu ram leh mipui hnuk khawih a nih avangin tih that loh a lang hma bik a, hnathawktu te ber atanga hotu lian ber thlengin an pawimawh em em a ni, a ti a. Department upa lo tak ni mah se, mipui nunna innghahna a nih avangin a thang duang a, hma lakna lawmawm tak tak pawh a tam a ni, a ti a. Chung zingah chuan Greater Water Supply Scheme atana electric pumping hman mai theih tur te, Champhai water supply scheme hna thawh zawh enchhin mai theiha awm tawh te, Drilling division siam hran tumte chu mipui tana thil chhenfakawm tak a ni, a ti a. Scheme thar siam leh turte chu sorkar laipui tana pawm tlak leh ram tana ro tling ni turin PHE Engineer te chu an thiamna hmang tangkai a uluk taka buatsaih zel tur leh a nih dan ang taka thawk zui turin a chah bawk a ni.
Khualzahawm Pi L.Tochhong, Principal Secretary, PHE pawhin thu sawiin project siam, tihpuitlin leh enkawl zuina kawngah engineer leh hnathawktu ten data felfai leh rintlak buatsaih a pawimawh thu te, tui hnar tha, thianghlim leh innghahna tlak ngaihtuah a tul thu te, project endik leh vil that a pawimawh thu te, a chhawrtu mipuite kuta hlan tur chi te chu a khaw neitu te enkawl thiam tur chi a buatsaih leh mipuite zirtir a pawimawh thu te, khawl leh bungraw dangte a chhiat thulha thlakna tur neih lawk reng a tul thu te sawiin PHE department hnuaia engineer te chu an mawhphurhna sanzia hre renga ram leh mipui tan tih tak zeta hma la zel turin a fuih.
Review meeting inkhawm hi Er. Pawan Kumar, Engineer-in-Chief, PHE in a kaihruai a. Chawhnu hunah technical session neih a niin naktuk thleng he meeting hi neih chhunzawm a ni ang.
Khualzahawm Pi L.Tochhong, Principal Secretary, PHE pawhin thu sawiin project siam, tihpuitlin leh enkawl zuina kawngah engineer leh hnathawktu ten data felfai leh rintlak buatsaih a pawimawh thu te, tui hnar tha, thianghlim leh innghahna tlak ngaihtuah a tul thu te, project endik leh vil that a pawimawh thu te, a chhawrtu mipuite kuta hlan tur chi te chu a khaw neitu te enkawl thiam tur chi a buatsaih leh mipuite zirtir a pawimawh thu te, khawl leh bungraw dangte a chhiat thulha thlakna tur neih lawk reng a tul thu te sawiin PHE department hnuaia engineer te chu an mawhphurhna sanzia hre renga ram leh mipui tan tih tak zeta hma la zel turin a fuih.
Review meeting inkhawm hi Er. Pawan Kumar, Engineer-in-Chief, PHE in a kaihruai a. Chawhnu hunah technical session neih a niin naktuk thleng he meeting hi neih chhunzawm a ni ang.
