1416/2026-2027

Aizawl, 16 July 2026: Nimin khan Public Health Engineering Department (PHED) Minister Prof. Lalnilawma’n Mizoram tlawh tura a sawm angin Israel Embassy-a International Development Co-operation (MASHAV) Senior Water Resources Specialist Shri Neeraj Gahlawat  leh Partnership and Operations Head Shri Arpit KP-te chuan Mizoram an lo thleng.

Prof. Lalnilawma hian New Delhi-a a zin ṭum khan Israel Embassy lam hotute nen inkawmna hun an hmang a. Inkawmnaah hian Mizoram rawn tlawh a, Mizoram tana thawhhona kawng hrang hrang zawngho turin a sawm a, Minister sawmna ngaipawimawhin Israel Embassy atanga mithiamte hian Mizoram an lo tlawh a ni.

Prof.Lalnilawma chuan Israel Embassy-te chu inkawmna hun neihpuiin thawhhona tha tak leh hlawhtling tak an neih ngei theih nan Mizoram Sawrkar lam chu a inhawng reng a ni, a ti a. Harsatna hrang hrangte leh hmalak zel dan turte sawihona hun tha tak hman a ni.

Israel Embassy aṭanga lo zinte hi PHED Engineer-ten an lo dawngsawng a, Aizawl Water Supply Scheme en turin Tlawng lui lamah hruai an ni.  A hmunah hian tui supply hnathawh kalphung leh harsatna hrang hrangte an enpui a, fur laia tui lian nasa leh tui chim chin sang lutuk te, tui nu (turbidity) sang lutuk te, ṭhal laia tui kam nasa leh silt deposit (siltation) chungchangte sawiho a ni.