3251/2022-2023

Champhai, the 13th January, 2023: Champhai District huam chhunga PHE Department hnathawh hrang hrangte chu Secretary to the Government of Mizoram, Er. C.Lalremsiama MES, PHE Department changtu chuan January ni 10-13, 2023 chhungin a hmunah tlawhin a enfiah.

PHED Secretary Er. C.Lalremsiama chuan khawtlang hruaitute leh Department lama hnathawktute chu mipui rawngbawl an ni tih hre renga tha thlah lova tan la zel turin a chah a. Hna tlo leh tha, ram tana rohlu siam tura theihtawp chhuah turin a chah nghal bawk.

PHED Secretary hian Dam Reservoir and Recreation Centre, Keilungliah Champhai hnathawh mekte bakah Khawbung PHED Sub-Division huam chhunga JJM leh NABARD hnuaia tuilakna tur project Samthang, Vaphai, Farkawn, Khankawn, Thekte leh Thekpui khuate tlawhin hmalakna hrang hrang a enfiah a. Heng bakah hian Composite Khawbung Water Supply Scheme hnuaia Tuipui Pump House leh tui pump-na khawlte a hmunah a enfiah bawk.

PHED Secretary hi Er. C.Lalhmachhuana SE, Champhai; Er. ZD Dengthuama EE, Champhai; Er. Darthangvunga EE, Hnahthial; Er. Vanlalmuanawma SDO, Champhai leh Er. C. Zothansanga SDO, Khawbung te'n an tawiawm a ni.