Vawiin khan Aijal Club-ah Mizoram Sorkar Planning Department buatsaih in ‘ANNUAL PLAN’ siam dan fumfe taka inzirtirna workshop neih a ni.

Workshop ah hian Mizoram Sorkar hnuaia department zawng zawnga Plan sum lama mawhphurtu Officer leh Clerk lam ten uluk leh fimkhur taka Annual Plan siam dan leh Schemes hrang hrang State pawisa leh Central sum atang a ruahmanna mumal tak siam dan te inzirtir a ni a, ‘Quarterly Progress Report’ QPR pawm tlak siam dan te pawh inzirtir nghal a ni. Online a Planning Department a thehluh theih a siam tum a ni.

He workshop ah hian Planning Department hotu Pu Ngunlal Chinzah, Principal Adviser cum Additional Secretary Planning, Pu Lalchhuanawma Hrahsel, Dy. Adviser Planning leh Dr. Lalrinchhana, Sr. Research Officer ten Mizoram sum hmuh dan leh hman dan te zirtir in thahnemngai taka revenue hmuh na tur zawnga plan leh project te siam tur in kal khawm te an ngen a ni.

Hun bi tuk chhunga Plan Budget 2014 - 2015 ruahmanna thehlut vek turin Department zawng zawng hriattir nghal an ni bawk.