North Eastern Council Plenary Meeting vawi 60-na chu tun thla ni 16 leh 17 khian Delhi-ah nghah a ni dawn a. He meeting-ah hian hmarchhak state zawng zawng (Sikkim tiamin) atanga Governors, Chief Ministers leh Chief Secretaries leh Officer pawimawh dangte tel tura beisei an ni a. Hmarchhak bial hmasawnna leh hmalak mek thlithlaitu ber a nih avangin he Meeting hi DoNER Minister leh NEC Chairman Pu BK Handique ngeiin a kaihruai dawn nghe nghe a ni. An thu ngaihtuah tur tlangpui te chu Power, Education, Science and technology, Railways, thlawhtheihna a intlawhpawh, hmarchhak bialte tana thilthar dapchhuah, Transport and Communication, Agriculture, Sports leh a dangte an ni.
He meeting ah hian Hmarchhak bial tana ruahmanna hrang hrang pharh leh sawiho a ni dawn a, chungte chu: 1) NER Vision 2020 behchhana hmarchhak bialte tana kawlphetha lama ruahmanna siam, 2) NER Vision 2020 behchhana M/s Tata Consultancy Services Ltd. in hmarchhak bial tourism hmasawnna tura ruahmanna an siam te 3) Mizoram sorkarin state chhung zirna tih hmasawnna tura ruahmanna an siam report pek te 4)Pu Sam Pitroda, Advisor to Prime Minister leh National Innovation Council, Chairman in hmarchhak bial hmasawnna atana thilthar chungchang a pharh tur te 5) Manipur leh Nagaland tana GIS Mapping chungchang te 6)NER Vision 2020 behchhana siam hmarchhak bial huamchhunga rel kawng sial dan tur ngaihtuah te a tel a ni.
He meeting-ah hian tunhnai maia buatsaih thar North Eastern Council Chairman's Sports Awards for Excellence chu Commonwealth Games leh Asian Games a hmarchhak bial infiammi tithate hnenah hlan an ni dawn a. Gold medal dawngtu hnenah cheng nuai 10, Silver medal dawngtu hnenah cheng nuai 5 leh Bronze medal dawngtu hnenah cheng nuai 3 pek an ni ang.
NEC hian Transport, Communication, Industry, Agriculture, Horticulture, Science &Technology, Irrigation, Health, Sports, Education, hmarchhak thalai hna hmulo te tan training chi hrang hrang ngaihtuah kawngah te leh zirlai tithate hnena sumpai chhawmdawlna pek kawngahte nasa takin hma a lo la tawh thin a. Tunah hian NEC bultumin hmarchhak State 7 atangin zirlai 3 theuh leh Sikkim atangin 2 te chuan Assam Rifle Public School, Laitkor, Shillong-ah lehkha an zir mek a ni.
Hmarchhak bial te tana football inelna tur Dr. T. Ao Football Tournament pawh DoNER Minister remhriatna a bultan niin hmarchhak State khawpui hrang hrangah khel thin a ni dawn a. Lawmman sumfai thahnem tak buatsaih a ni nghe nghe.
He meeting-ah hian tunhnai maia buatsaih thar North Eastern Council Chairman's Sports Awards for Excellence chu Commonwealth Games leh Asian Games a hmarchhak bial infiammi tithate hnenah hlan an ni dawn a. Gold medal dawngtu hnenah cheng nuai 10, Silver medal dawngtu hnenah cheng nuai 5 leh Bronze medal dawngtu hnenah cheng nuai 3 pek an ni ang.
NEC hian Transport, Communication, Industry, Agriculture, Horticulture, Science &Technology, Irrigation, Health, Sports, Education, hmarchhak thalai hna hmulo te tan training chi hrang hrang ngaihtuah kawngah te leh zirlai tithate hnena sumpai chhawmdawlna pek kawngahte nasa takin hma a lo la tawh thin a. Tunah hian NEC bultumin hmarchhak State 7 atangin zirlai 3 theuh leh Sikkim atangin 2 te chuan Assam Rifle Public School, Laitkor, Shillong-ah lehkha an zir mek a ni.
Hmarchhak bial te tana football inelna tur Dr. T. Ao Football Tournament pawh DoNER Minister remhriatna a bultan niin hmarchhak State khawpui hrang hrangah khel thin a ni dawn a. Lawmman sumfai thahnem tak buatsaih a ni nghe nghe.
