2340/2026-2027 

Dated Khawzawl, the 24th September, 2026 : Ni thum awh tur Pluck and Pay Festival chu Chawngtlai leh Tualte-ah hman mek niin, vawiin khan Chawngtlai Field-ah a ni hnihna program neih a ni a. Information, Public Relations, Printing & Stationery (IPRP&S) Department Secretary Pi Betsy Zothanpari Sailo leh Khawzawl Deputy Commissioner Pu K. Vanlalthiana ten hun an hmanpui.

IPRP&S Secretary Pi Betsy Zothanpari Sailo chuan thu sawiin, Deputy Commissioner remhriatna zarah leh Agriculture, Horticulture leh Tourism Department te leh kuthnathawktute thawhhona avanga Pluick and Pay Festival buatsaih a ni chu lawmawm a tih thu a sawi a. Chawngtlai leh Tualte khua mipuiten kuthnathawh an uarzia leh an taimakzia a hriatpui tih sawiin, he Festival kaltlanga an thawhrimna pholana a awm hi lawmawm a ti a. Pluck and Pay festival hmanga zau zawka an inhralh theih nan leh thlai leh thei chin kawnga hmasawn zel turin duhsakna a hlan a ni.

Pluck and Pay Festival chhimtu an thahnem hle a, a ni khatna-ah khan Chawngtlai kiwi huan atangin kiwi Rs. 18,000 man lawh leh lei a ni a, Chawngtlai Field-a SHG stall ten Rs. 2,00,000 an hlawhchhuak bawk a. Nimin Festival intanni vek khan Tualte tomato leh fanghma huan atangin Rs. 20,000 man lawh leh lei a ni a, Tualte Field-a stall ten Rs. 1,30,000 an hlawhchhuak ve a ni.

Vawiinah pawh Chawngtlai Field-ah Block Mela neih niin, SHG member-te thil thar chhuah leh siam chhuah pholan a ni a, concert neih a ni bawk.