No.2717/2021-2022

Aizawl 25th Oct. 2021 : Prime Minister Ayushman Bharat Health Infrastructure Mission hawnna Programme chu vawiin khan Lunglei Civil Hospital Medical Superintendent  leh a thawhpuite bakah Lunglei Chief Medical Office hnuai thawktu ten an hmang.

He hun hi India Prime Minister Pu Narendra Modi kaihhruaina hnuaiah biak hmuhna thei kaltlangin neih a ni a,  Prime Minirter hian Varanasi atangin he hun hi a hawng a, Lunglei Dist bakah hian India ram hmun hrang hrang atangin he hun hi hman a ni bawk.

He Programme in a tum chu India ram chhunga hriselna atana ruahmanna leh hemi atana hmasawnna ruhrel tha zawk a awm theih nan a ni a, he Programme hnuaiah hian damlo na zuak khirh khan bikte enkawlna siam bakah a awm tawh sa tih changtlun hi a tum a ni a. hei bakah hian natna zawn chhuah kawnga a hma aia chak zawka hmalak bakah hmanraw changtlung zawk  siam hna thawh tum a ni.  

Hei bakah hian he programme hian  tunlai thiamna hmang tangkai leh zual a hnathawh bakah Covid 19 hripui dona kawnga  nasa zawka hmalakna tur leh hrileng darh zel tur venna kawnga chak zawk hma lakna te a huam a ni.