1683/2024-2025
Khawzawl, dated 21st August, 2024: PM Vishwakarma Scheme hnuaiah India khua leh tui, kum 18 tling tawh, heng trade hrang hrang thing/cement/lung mistiri, thir chher, lung la, pheikhawk siam, thiam-hnang tạh, lim siam, hmunphiah siam, lumet, pangpar siam, sangha len siam leh Puanthui tui mi leh thiamna nei a duh apiang tan mahni venga Common Service Centre atangin in register theih a ni a, Common Service Centre awm lohna khua leh veng tan mahni hnaih ber Common Service Centre atangin mahni khua/veng VCP te nen registration hi tih tur a ni.
He Scheme hnuaia register sawrkarin a pawmte chu training leh an hmanraw mamawh lei sak thlengin sawrkarin a pui dawn bakah an eizawnna tih changtlun nan loan leh tul dang a ngaihtuah pui dawn bawk a ni. He Scheme hnuaia Inziaklut duhte chu kumin August thla chhungin in register vek tura ngen leh hriattir kan ni e.
Tin, inziaklut tur chuan heng document te hi neih tur a ni ang - Aadhaar Card, Mobile Number, Bank Account detail leh Ration Card. Diltu kutze thla lak a ngaih bawk avangin a diltu chu Common Service Centreah mahni ngei kal tur a ni e.
