Vawiin khan Vanapa Hall-ah Prime Minister’s Employment Generation Programme (PMEGP) chungchang inhrilh varna awareness campaign neih a ni a. Pu R.L.Rinawma, Commssioner, Industries department chuan he scheme hnuaiah hian mi nuai 37 eizawnna tur buatsaih nan central sorkar chuan cheng vaibelchhe 15,000 a ruahman  a, vaibelchhe 4485 chu subsidy (margin money) atan ruahman a ni tih a sawi a. Mizoram-ah target 298 awmin mi 2973 tan hna siamsak tura ngaih a ni a. Diltu chuan project fel tak neiin ti puitling thei turin thiamna a neih ngei a ngai tih sawiin Pu Rinawma chuan tun dinhmunah Task Force Committee chuan dilna 599 bank-ah a thawn tawh thu leh deng zinga 166 chu sum tihfel sak tawh a ni, a ti a. Hetih lai hian diln 256 chu pek tlak lova ngaih niin hnawl a ni tih a tarlang.

Pu R.K.Dhamija, Director, KVIC chuan PMEGP chu sorkar laipui Ministry of MSME flagship programme a ni tih sawiin KVIC chuan he scheme tihpuitlinna hi a ngai pawimawh hle a ni, a ti a. He scheme hnuaia loan latu ten thil siam chhuahna lam an kalpui chuan subsidy an hmuh theih thu a tarlang bawk. Pi Sangchhin, Chinzah, Addl. D.C, Task Force Chairman ni bawk chuan PMEGP diltu chu a thil dilah a chiang tur a ni tiin mahni trade thlanah diltu chuan thiamna a nei tur a ni, a ti a. Diltu zinga 10% pawh recommend tur an awm mang thin lo niin a sawi.

Awareness campaign hi Pu V.Lalbiaksanga, General Manager, DIC Aizawl-in a kaihruai a. Technical session ah Pu R.K.Lungmuana, Functional Manager leh Pi Mary Lalawmpuii, Dy.Manager(Credit) SBI ten thu sawiin zawhna inhrilhfiahna hun an hmang a ni.