Vawiin khan Industries Department Secretary Pu RL Rinawma hovin State Level Workshop on PMEGP chu I&PR Auditorium-ah neih a ni.
Pu RL Rinawma chuan tun sorkar kum kal meka PMEGP kalpuitu agency 3, Mizoram KVI Board, KVIC leh DIC te hnathawh dan tarlangin sorkar kum thar lo awm leh turah chuan chak leh zuala hma la turin a fuih a. Heng agency-te hi pawimawh viau mahse a hmawr bawktu tak tak chu Bank hrang hrangte an nih avangin tang tlanga thawhhona tha an neih a tul a ni, a ti a. Tha zawk leh chak zawka hmalak dan tur te, mimal leh pawl anga he Scheme kalpuina kawnga harsatna emaw kal dan tur tha zawk nia an hriatte he workshop-ah hian tlang taka sawi turin Secretary chuan a chah a. PMEGP chu eizawnna neilo ten awlsam zawka eizawnna tluantling an neih theih dan kawng kawhhmuhtu anih angin a chhawr tangkai tur mipui ten a awmzia leh tangkaina zau zawka an hriat a pawimawh a, Industry lama tui mite he scheme hmang hian tanpui theih an ni tih thingtlang thlenga tlangzarh a tul a ni, a ti.
Nikhat awh he workshop-ah hian Bank hrang hrang hotute leh Entrepreneurs ten inhmuhkhawmna tha tak an nei a. PMEGP a taka kalpui dan turte, a kalpuitu agency hrang hrang Head Office leh Field Office-te hmalak dan inhrilhhriatnate leh PMEGP kalpuina tura Bank hrang hrang pawimawhnate zirhovin, sawihona hun tha tak an hmang zui nghal a ni.
Nikhat awh he workshop-ah hian Bank hrang hrang hotute leh Entrepreneurs ten inhmuhkhawmna tha tak an nei a. PMEGP a taka kalpui dan turte, a kalpuitu agency hrang hrang Head Office leh Field Office-te hmalak dan inhrilhhriatnate leh PMEGP kalpuina tura Bank hrang hrang pawimawhnate zirhovin, sawihona hun tha tak an hmang zui nghal a ni.
