357/2024-2025 

Dated: Aizawl the 25th of April,2024: Vawiin chawhma dar 9.30-ah Secretariat Conference Hall, MINECO-ah thutkhawmna hun Secretary Shri Katikithala Srinivas, Ministry of Minority Affairs ho a neih a ni a. He thutkhawmnaah hian  Sawrkar laipui ruahman(scheme), Pradhan Mantri Jan Vikas Karyakram (PMJVK) hnuaia project kalpui tawh leh hna thawhte thlirletna hun neih a ni.

He hunah hian PMJVK hnuaia hmalakna hrang hrang te sawi ho niin, hnathawh tawhte thlirletna hun neih a nih mai bakah, hma lak zel dan tur te sawi ho a ni bawk. Department hrang hrang in a project a lo kalpui tawh dan te thlir ni in, kalpui zel dan tur sawi a ni. He meeting ah hian department hrang hrang Secretary te an tel a, district tin DC leh sawrkar official hrang hrang te an tel bawk a ni.

Pradhan Mantri Jan Vikas Karyakram (PMJVK) hi Sawrkar laipuiin hmun thlan bikte tih hmasawn nan a ruahmanna (scheme) a duan a ni a. Hemi hnuai ah hian hmun thlan bik teah khawtlang mawmawh hmasawnna ruhrel leh mipui vantlang nitin mamawh tul ang te siamsak a ni.  PMJVK hi state leh sawrkar laipui tang kawpin funding ruahman a ni a, hma lak zuina leh enkawl hna erawh chu state sawrkar leh UT tin ten an kutken a ni. PMJVK hnuaia rawtna leh hmachawp chu State Level Committee (SLC) State emaw UT a Chief Secretary tinte kaihruaina hnuaiah, hmun thlan bik a mipui chengte mamawhna mil zel a kalpui (recommend) thin a ni.