460/2024-2025

Aizawl the 11th May, 2024: Ni 06.05.2024 a POL (Petrol & Diesel) chungchanga Order lo tih chhuah tawh bawhzuiin, IOCL Oil Depot, Silchar aṭanga POL lak luh theih ni rih lo mah se, Guwahati depot aṭangin POL hi lakluh reng a ni a. Hemi avang hian inrenchem taka kan khawsak chuan Mizoram chhungah petrol leh diesel dinhmun hi a ngaihtuahawm lutuk lo a ngaih a ni. Mipuiten kan mamawh ang tawk chauh kan lak chuan harsa lutuk lovin kan awm thei tura beisei ni.

Chutih rualin he hun hi remchanga la a, petrol pump ṭhenkhatten a hlawma black-a zawrh tur lo pe chhuak ṭhin an awm tih hriat a ni. Hemi vil tur hian District hrang hranga FCS&CA Department, Deputy Commisisoner office leh SP office ṭangkawpten hma an la ang a, petrol pump-te CCTV footage thlengin en ṭhin tur a ni ang.

Hetiang dinhmuna Mizoram kan din laia a hlawma black a zawrh tur petu filling station (pump) te leh black-a zuar man chhuah an awm chuan a inhnamhnawih zawng zawngte dan angin a na thei ang bera hrem an ni ang, filling station-te pawh an trade license cancel sak thleng pawhin action lak a ni ang.