2670/2024-2025

Dated Serchhip, the 24^th October, 2024: Vawiin khan Serchhip DEF chuan Police Commemoration Day, October ni 21 denchhenin Serchhip District Hospital ah mamawhtute tan a thlawnin thisen unit 8 an pe.

Serchhip DEF hian October 21, 2024 zing karah khan Serchhip Additional SP Pu Saidingliana Sailo hoin, SP Office tualzawlah September ni 1, 2023 leh August ni 31, 2024 inkara duty laia nunna chan police 214 te  sunna hun urhsun takin an lo hmang tawh bawk a ni.

Police Commemoration Day hi India ram pumah kum 1960 atang khan kum tin hman thin a ni a. India khua leh tuite himna tura police-te inpekna sang ber - mahni nunna hlantu police martar huaisente chawimawina ni leh hriatrengna atana hman thin a ni.