2711/2026-2027

Aizawl the 16th October, 2026: Vawiin khan Police Headquarters-a G.S. Arya Mess-ah khan Pu K. Sapdanga, Hon’ble Home Minister, Mizoram chuan Police Headquarters (PHQ), Mizoram tan e-Office system a hawng.

Hawnna inkhawmah hian Pu H. Ramthlengliana, IPS, Inspector General of Police (Hqrs.)-in inlawmna thu a sawi a, Pu Sharad Agarwal, IPS, Director General of Police, Mizoram chuan he e-Office atana an hmalakna leh Mizoram Police tana a pawimawhna te leh Mizoram Police hmalakna leh hnathawh hrang hrang te tawi tein a tarlang bawk. Pu K. Sapdanga, Hon’ble Home Minister, Mizoram chuan e- Office system chu tlangzarha thu sawiin, he hmalakna hian Mizoram Police te’n thiamna thar leh tunlai technology leh digital governance hmanga office kalphung leh hna thawhdan tihchangtlun an ngaihpawimawh zia a lantir tih sawiin, tangkai taka hmang turin duhsakna a hlan a ni.

e-Office hi Police Headquarters hnathawh phung tihchangtlunna tura rahbi pawimawh tak a niin, he system hian file movement rang zawk te, official correspondence leh thutlukna rang, langtlang zawk leh lehkha hman tlemna (paperless) environment dinhmun thlen thei tura beisei a ni.

PHQ hian office Branch 18 leh Personal Branch 17, belhkhawmin Branch 35 a nei a. Officer 23 leh Dealing Officer 53 te tan profile mapping thawh zawh a ni tawh a ni. e-Office system hlawhtling leh tluang taka kalpuina tur atan NIC chuan Internet Speed 60 mbps an pe a, hei hian e-Office system fel tak leh tluang taka hman a chantir ngei ang.

Police Headquarters hi State chhunga he system hmang Directorate pariatna (8-na) chiah a ni.