Vawiin khan Arya Mess, Police Hqrs., Aizawl ah District hrang hrang 8 leh Armed Battalion atangin Police Officer 75 in Bomb kam sût dan (Bomb disposal technique) an zir a. Heng ho zirtir tur hian Hazaribarg atangin BSF Dy. CO pahnih Ashok Ranwa leh P.S.Chauhan te an lokal a. Anni hian khawilai ah emaw bomb kam ruk lo awm ta se engtinnge him taka puak lova sut theih a nih dan te an zirtir a ni.

He training hi S.P.Security leh a staff te buatsaih a ni a, Pu L.T.Hrangchal, S.P. Security chuan thuhma sawiin Pu Verma, DIG (Training) in lawmna thutawi a sawi bawk.

BSF atanga officer lo kal pahnihte hian an thil hmuhte hi Bureau of Police Research and Development (BPR&D), New Delhi ah an thehlut ang a, BPR&D hian Mizoram mamawh milin ruahmanna an rawn siam dawn a ni. Tuna SP Security hnuaia Bomb disposal hmanruate pawh a hman dan dik tak an rawn zirtir nghal bawk a ni.