3661/2024-2025
Aizawl, the 24th December 2024: Aizawl mipuiten Krismas leh Kumthar boruak tha tak hnuaia an hman theih nan Aizawl Police chuan venhimna leh dan leh thupek te uluk takin a kengkawh dawn a. Mipuite kan him nan halpuah leh halmawi hâl lo turin a ngen nawn leh a ni.
Aizawl khawpui chhung hi Security zone 3-ah then niin Police Zonal officer paruk ruat an ni a, Zonal officer pui turin sector officer dah an ni bawk. Zan lamah khawlai a duty Police engemawzat dah an ni a. Police Station tinah Police duty dah belh an ni bawk. Police tha tichak turin zan lamah drone hmangin venhimna thuam a ni bawk ang. Police Station hrang hrang pathum ah drone dah a ni a. Aizawl khawpui surveillance leh security monitoring-ah nasa takin Police te a pui tura ngaih a ni.
Drone hmangin halpuah leh halmawi hal an awm chuan enfiah a ni dawn a. December ni 24 zan hian trial run neih a ni ang. Hun hmasa lamah te drone hi tangkai takin Police te chuan an lo hmang tawh a ni.
