Administrative Training Institute (ATI), Mizoram chuan Police te tan Forensic thiamna hmanga pawikhawihna a thlen chang a misual chetna hnuhma vawn that leh chhui zui dan inzirtirna - “General awareness about Crime Scene Preservation – Forensic Science in Crime Investigation” a buatsiah chu vawiin khan zawhfel a ni. He training hian ni hnih awhin, Police leh Excise & Narcotics Department atangin SI, ASI leh Inspector mi 55 an tel a ni.

Directorate of Forensic Science Laboratory atanga mithiam (Subject Expert) paruk ten zirtirna hi pe in, pawikhawihna a lo thlen a chetlak dan te, Evidence lawkkhawm, vawn that leh thawn chhuah dan te leh, hnuchhuina lama hmasawnna tur leh rorelna dik a thlen theihna tura Forensic Science hman tangkai a tul zia te inzirtir a ni.