Vawiin khan Chhim Veng YMA Hall, Mamit-ah kumin MLA inthlanpui atana Mamit District chhunga Presiding Officers, Asst Presiding officers leh Polling Officers tura ruat ten training hnuhnung ber Pu Malsawmtluanga, Election Officer, Mamit District hovin an nei.

He training-ah hian Inthlanna felfai leh thianghlim a awm theih nan a thiltih ngei ngei turte leh tih loh turte EVM hman dan te, Forms chi hrang hrang fill-up dante bakah Poll Day Mobile Reporting (PDMR) chungchangte zirtirna Election Officials te hnenah pek an ni.

Training hi Pu Malsawmtluanga Election Officer, Marilyn Rualzakhumthangi SDC, K. Zorammuana SDC, Pu P.V Lalengmawia Data Entry Operator leh Pu H.C Rochungnunga, DIO te’n an pe a ni. He training-ah hian Election Officials mi 381 an tel a ni.

Vawiin vek khan Siamliana Hall, Mamit-ah Mamit District chhunga venhimna lam hnathawktu tur, Police ten training hnuhnung an nei a, Training hi Pu Laldingluaia, MPS, Commandant 4th IR, Pu RD Chawngthu SP Mamit, Pu P.C Lalchunglura Addl SP Mamit, Pu F. Lalbiakzauva SDPO Mamit ten pe-in he hunah hian an duty na hmun tura tul hrang hrang te chipchiar takin zirtir an ni.