Naktuk Mizoram MLA General Election turin Mamit District Election Office pawh inbuatsaihna peih thawkhat a ni tawha, Vawiin khan Polling party te pawhin  Mamit DC office atangin an duty-na hmun tur  theuh panin an chhuak. Polliing party te hi venhimna pek vek an ni.

Mamit District chhung a MLA Constituency pathum 1 - Hachhek, 2-Dampa leh 3- Mamit a duty tur te chuan tukin zing dar 6 khan Mamit DC office complex a EVM dah thatna Strong Room atrangin bialtu Returning Officerte hriatpuina in EVM an ken turte lachhuak in an duty na tur lam panin an chhuak a ni.

Mamit District chhung MLA Constituency pathumah hian vote thlakna tur Polling Station 116 duansa bakah Bru Tripura camp ami te vote thlakna tura ruahman temporary/Special Polling Station 9 Kanhmun khua-ah hawn belh a ni bawk. Heng polling station-a duty tur te hian an duty na tur hmun threuh panin vawiin khan Mamit DC office an chhuahsan vek a ni.

District Election Office atanga thudawn danin Mamit District chhung polling station 116 leh Temporary Polling Station 9 a duty tur (polling party) te hruai nan hian bus 24, sumo 63, Beloro Camper 7, Gypsy 3 te hman a ni a, security duty tur te pawhin an duty na hmun tur an thleng kim tawh bawk a ni.