Vawiin hian Lawngtlai District chhunga Polling Station hrang hranga duty tur Polling Party ten training an nei a, inthlanni a an hnathawh tur hrang hrangte zirhona hun an hmang.

Centrtal YLA Hall ah Second leh Third Polling Officer tur ten training neiin Dr. Vanlalringa Bawihtlung, Asst. Professor leh Pu H. Zonunmawia, SDC Lawngtlai ten zirtirna an pe a, Polling Official tur mi 240 vel zet an kalkhawm a ni. Hetihlai hian Don Bosco Higher Secondary School-a Hall paliah Presiding Officer leh First Polling Officer ten training hi an nei ve bawk a. Master Trainer Pi ST Lalvensangi, SDC, Pu Vanlaltanpuia, BDO Sangau, Pu Lalremruata Kullai BDO Bungtlang South leh trainer dangten an zirtir thung. Hetah hian Polling Official mi 261 an kalkhawm bawk.

Ruahman ang chuan Polling Official te hian naktukah training hi an nei chhunzawm leh anga chu chu inthlanna neih hmaa an training hnuhnung ber tur niin an duty na tur hmun theuhva kal thei turin an inpeih tawh ang.