Serchhip District a Assembly Constituency pathuma MP Election 2019 a duty tur Polling Party ten District  Election Pisa tual atangin an duty na tur hmun panin inthlanna hmanrua te nen an chhuak fel.   

Serchhip District chhung Polling Station 77-a Duty tur Polling Party leh Reserve Team turte tihfel a nih hnuah vawiin khan Polling Party hrang hrangten inthlanna hmanrua an hman tur EVM leh VVPAT te pekchhuah nghal an ni a, an Duty-na tur Polling Station theuh an pan nghal a ni.

Lok Sabha inthlanpui neih tura Serchhip District chhunga Polling Party 77 te kalna tur hian Bus 7 leh LMV 66 ruahman a ni a, 26 - Serchhip(ST) AC-a Polling Station 23 tan Bus 1, LMV 30 leh Maxi Cab 3; 27 - Tuikum(ST) AC-a Polling Station 29 tan Bus 2, LMV 10 leh Maxi Cab 14 bakah 28 - Hrangturzo(ST) AC-a Polling Station 25 tan Bus 4 leh Maxi Cab 10 hmangin an Polling Station theuh panin an chhuak a ni. 27-Tuikum (ST) AC leh 28-Hrangturzo (ST) AC-a duty turte chuan zing dar 9:00 atangin an duty-na tur an panin an chhuak tan a, 26-Serchhip (ST) AC-a duty turte chuan zing dar 11:00 atangin an duty-na tur an pan ve thung a. Tluang takin an thleng kim thei ni a hriat a ni.

Attachment

  • Loading attachment...