MP thlanna neih turah vawiin khan Kolasib District chhunga polling station 67- a duty turte chuan DC office atanga EVM an lak chhuah hnuin an duty na tur theuh an pan a. Polling party chhuak hmasa berte hian tukin zing dar 7 khan DC office tual an chhuahsan a. A chhuak hnuhnung berin chawhnu dar 1:30 khan an duty na hmun tur panin an chhuak a ni. Heti hian naktuk inthlanna a duty tur zawng zawngte chuan an duty na tur hmun an pan kim ta a ni.

Tarlan tawh thin angin Kolasib District chhungah hian polling station 76 a awm a, ven uluk ngai bik, critical polling station a awm lova ni. Tun tum inthlanah hian Kolasib District-a hman atan VVPAT 26 ruahman a ni a, hei hi a vawi khatna tur a niin a hman dan training pawh uluk taka lo pek tawh a ni a. Kolasib Constituency chhunga polling station 18 ah leh Serlui constituency chhunga polling station 8 ahte hman a ni ang. Vawiin vek khan heng polling party ten an duty na tur an thlen hnuin VVPAT hmanna tur bik polling station tehi Sectoral Magistrate ten tlawhkualin an endik leh hlawm a ni.