Vawiin nileng khan Govt. Higher Secondary School, Serchhipah MP Electiona Serchhip District  chhung Assembly Constituency pathuma Duty tur Polling Personel te tan training neih chhunzawm leh a ni.

He hunah hian  Election Master Trainers - Pi Pinky Zosangpuii, SDO (C), Thenzawl, Pi C. Lalduhzuali, Settlement  Officer, Serchhip, Pi Dorothy Muansangi, SDO (C), N. Vanlaiphai, Pu Ngurthansanga, SDC, Serchhip leh Pu Lalhruaitluanga, DLAO, Serchhip ten Polling Personelte hriattur pawimawh hrang hrangte an zirtir leh a. Inthlanna hmanrua (EVEM & VVPAT) te hnathawh dan leh enkawl dan te uluk taka zirtirna pein, Polling Booth tina duty tura ruatte hi heng inthlanna hmanruate hi a taka hman chhin tir an ni.