36/2022-2023
Aizawl, the 4th April 2022 : Ni 15 chhung awh (March 21 – April 4) nu naupai leh naupangte hriselna leh an tana chaw tha chungchang tlangauna programme ‘Poshan Pakhwada’, Women & Child Development Department huaihawt chu Aijal Club a The Terrace (4th Floor) ah vawiin khan a kharna hun buatsaih a ni a, he hun hi Pi Sangchhin Chinzah, Secretary, Social Welfare Department in a hmanpui a ni.

Pi Sangchin Chinzah chuan Poshan Pakhwada hlawhtling taka hman theih chhan chu a huaihawttu Department leh a thawhpui Line Department hrang hrang – AYUSH, Health Services, MzSRLM, LAD, UD&PA bakah tlawmngai pawl leh Kohhran a thalaite inpekna avang a nih thu a sawi a. Nu naupai leh naupang ten hriselna tha an neih theih nan thil ei uluk pawimawh dante sawiin ei tur tha leh hrisel an kham khawp ei loh avanga natna leh chakl ohna hrang hrang nu leh naupang a thlen thin te umbo zel turin leh hemi kawnga theihtawp chhuah a tan la turin he hunah kalkhawmte chu a ngen a ni.

Hun kaihruaitu Pi Lallianpuii, Director, Women & Child Development chuan Poshan Pakhwada chu eitur hrisel lam hawia infuihna leh beihpui a nih dan te a sawi a. Pi Lalmalsawmi, Statew Nodal offier chuan Poshan Pakhwada hman a nih chhunga State Level, District Level, Project Level leh Field Level (Anganwadi Centre) a hman a nih dante sawiin hun a hmang a. He hunah hian ECCE Video Clip insiamsiakna result puan niin Pukpui Centre-I, Lunglei ICDS Proejct, Lunglei District chu pakhatna an ni a, pahnihna chu Bualpui AWC-I, Thingdawl ICDS Project, Kolasib District an ni a, pathumna chu Chanmari West AWC-III, Aizawl Urban ICDS Project, Aizawl District chu an ni.

Poshan Pakhwada chhung hian ‘Identification and Celebration of Healthy India’ leh ‘Integration of Traditional and Modern Practices for Health India’ tih thupui hmangten State Level, District Level leh Project Level ah te programme hrang hrang siamin hun hman a ni.