No.4471/2021-2022

Aizawl 31st March 2022: Vawiin chawhnu khan District Programe Officer, Women & Child Development, Kolasib district hmalaknain Poshan Pakhwada hnuaiah ' Cooking Competition for Women Focusing on Traditional Foods for Mother & Child' chu I&PR Conference Hall-ah buatsaih a ni a. He inelnaah hian mi 13 inziak lutin mi 12-an tel a ni.


Pi Flora Laltanpuii , DPO chuan naupang hrisel nana pawimawh tak chu ei tur hrisel taksa mamawh zat a hun tak a pek a nih thu sawiin thlai hring, kan ban phak mai a awm tam takte chu țangkai tak a hman a țul thu a sawi. DPO chuan Poshan Abhiyan hnuai a naupang hriselna kawng a hmalakna hrang hrang tarlangin eisiam intihsiakna buatsaih pawh hian naupang eitur siam kawng a ngaih pawimawh tur inhrialhriatna leh naupang hriselna tur a eitur țha dah pawimawhna kawngah hmasawnna a thlen ngei a beisei thu a sawi bawk a ni.

Endiktute atangin eisiam kawnga hrisel nana tangkai tur thlai leh sa inbuk tawk tak a hman thiam a pawimawh zia ngaihthlak niin raipuar lai atanga nausen kum an tlin thlenga an taksa mamawh eitur hrang hrang leh ei dan tur te inhrilhhriatna hun hman a ni. Endiktute hi Maj. Carolyne Zonunmawii Pachuau (retd), DSW&RO, Dr. C.Vanlalhlimpuia, M.O, Tenzin Choedak, Owner Tashi Delek Restaurant leh Pi S.H.Christine, Owner ST Bakery-te an ni a, ICDS, CDPO, Mahila Shakti Kendra, Swadhar Greh, One Stop Centre, Anganwadi-a thawktute leh MHIP, Diakkawn hruaitute an tel a ni.

Vawiin eisiam inelnaah hian Kolasib khawchhung bakah Kawnpui, Bualpui, Bilkhawthlir leh Zanlawn atangtein an lo tel a, Josephine Lalthanpuii, Diakkawn chuan lawmman pakhatna lain, One Stop Centre, Bilkhawthlirten lawmman pahnihna an dawng a, Emmanuel Lalpekhlui, Project Veng, Kolasibin lawmman pathumna a dawng bawk a ni.

Attachment

  • Loading attachment...