2507/2023-2024
Aizawl, the 26th October, 2023 : Vote thlak nana Postal Ballot hmang turte tana hriattur pawimawhte chu vawiin khan Chief Electoral Office, Mizoram chuan hetiang hian a chhuah:
I: Postal Ballot hmang theite :
General Election to Mizoram Legislative Assembly, 2023 atana Postal Ballot hmanga vote thlak dan turah hetiang hian ruahmanna siam a ni.
a) ElectionDuty-te:
Polling Official, Security leh Election duty hrang hrang atana ruat, anmahni hming chuanna Assembly Constituency chhunga vote thlak thei lo turte hnenah Postal Ballot pek chhuah a ni dawn a. Postal Ballot dilna Form hi District Election Officer/Returning Officer hnen atanga lachhuakin an hnenah hian thehluh tur a ni. Returning Officer hian hun a ruatah Postal Ballot a pechhuak ang a,Facilitation Centre-a Ballot Box-ah Postal Ballot hi thlak a ni ang.
b) AbsenteeVoters:
i) Kumin Inthlanpui-ah hian Absentee Voter ti-a koh kum 80 chung lam leh vohbik (PwD) Postal Ballot dilte chuan an awmna hmun atangin vote an thlak(home voting) thei dawn a. Heng mite hi an awmna hmunah Postal Ballot pek an ni dawn a, Postal Ballot hmanga vote an thlak dawnah Official-te’n an tlawh hun tur an hrilh lawk ang a, chumi hun leh darkarah chuan polling official,security leh videographer-te’n an kalchilh dawn a ni.
ii) Election Commission of India chuan General Election to Mizoram Legislative Assembly, 2023 atan hian Department/Organisation hrang hrang 13 te chu Essential Service atan a puang a. Heng Department-a awm, election duty-a ruatnilo, vote thlak ni-a anoffice/hnaaduty tura hotute’n an ruat, Polling Station-a vote thlak ve thei lo turteAbsentee Voters in Essential Service (AVES)chuan Postal Ballot an dil ang zelin an duty-na District-a District Election Officer/Returning Officer-in Postal Voting Centre asiamah Postal Ballot hmangin vote an thlak thei ang.
c) Service Voters :
General Election to Mizoram Legislative Assembly atan hian Venhimna lama hnathawktu service voter 4,975 te hnenah Postal Ballot (Electronically Transmitted Postal Ballot) thawnchhuah a ni. Heng Postal Ballot hi service voter-te awmna hmuna print chhuah a ni ang a, vote an thlak fel hunah Returning Officer hnenah an thawn dawn a ni.
II: Postal Ballot thlak dawna hriattur :
Postal Ballot thlak dawnin heng hi hriattur a ni.
i) Postal Ballot lehkha dawnah hengte hi a awm ang-
a)Postal Ballot
b)Declaration (Form13A)
c) Form 13B (CoverA-Envelope te zawk)
d) Form 13C (Cover B-Envelope lian zawk) te
e) Inkaihhruaina (Form13D)
ii) Postal Ballot-ah hian candidate pakhat zawnah thai tur a ni. Postal Ballot hi envelope te zawk (Form 13 B- CoverA) ah khunga, envelope hi char tur a ni.
ii) Declaration (Form 13A) ah hian Postal Ballot Serial Number ziahluh tur a nia, hming sign-naah sign tur a ni. He lehkha hi Attesting Officer-in a sign hnan a ngai a. Polling Official-te chuan Facilitation Centre-ah Attesting Officer an sign tir ang a. Home Voting (kum 80 chung lam leh Vohbik - PwD) te Declaration chu Polling Officer-in a sign hnan ang a, Essential Service a mite chu Postal Voting Centre-a Attesting Officer-in a sign hnan ang.
iv) Form 13B (Cover A) ah hian Postal Ballot Serial Number ziah leh tur a ni.
v) Envelope lian zawk (Form 13C - Cover B) ah hian lehkha pahnih- Postal ballot khungna envelope (Cover A) leh Declaration (Form 13A) ah khungchhawn leh tur a ni. Envelope-ah hian electoral roll-a mahni hming chuanna Assembly Constituency ziakin, a thawnna tur hming ziahnaah hian chumi AC-a Returning Officer chu ziah tur a ni. Heng hi tihfel hnuah envelope hi char tur a ni.
III:Postal Ballot thlakna tur :
Hengahte hian Postal Ballot (envelope lian zawk-a chhunga Postal ballot leh declaration awmna) hi a hnuai amiang hian District hrang hrangah thlakna tur siam a ni ang.
Polling official, security, etc. - Facilitation Centre-ah.
Home Voting - An awmna hmunah.
Absentee Voters in Essential Service - Postal Voting Centre-ah.
IV: Postal Ballot pekchhuah leh thlak hun :
District hrang hrangah hetiang hian Postal Ballot dilte hnena pekchhuah hun leh an thlak hun siam a ni :-
