686/2025-2026

Aizawl, 31st May, 2025 : Power & Electricity Department chuan ruah leh thlipuiin Mizoram a nuai chungchangah a hnuaia tarlan ang hian mipuite hnena ngenna leh hriattirna thuchhuah an siam :

Tunhnaia ruah leh thlipuiin Mizoram a nuai avangin hmun hrang hrangah Power supply a khaihlak  nasa em em a. P&E Dept. a hnathawktu ten  theihtawp chhuahin ruahpui leh thlipui karah, chhun zan zawmin siam that hna an thawk reng a. Chutihlaiin, thli leh ruah a thawh reng avang hian siamthat hna thawh a sawt thei lova, chumai bakah, power network chhia a awm belh zel bawk a ni.

Power lak luhna (hruipui)  leh sem chhuahna (hruite)  hmun tam takah a chhiain, electric ban tam tak a tlu a, Transformer lian (Power Transformer) leh Transformer te (Distribution Transformer) pawh a chhe nual a, hmun then khatah phei chuan leiminin a hnawl te pawh a awm bawk a ni.

Hetianga power supply a khaihlak hi P&E Deptt. chuan pawi a tiin, mipuite hriatthiamna a ngen a. Siam that hna hi theihtawpin a thawh chhunzawm reng a, dawh thei taka lo hrethiam tur leh theihtawpa tawiawm turin mipuite a ngen a ni.

Tun dinhmuna hmun hrang hranga Power network chhia report kan dawn tlangpui chu hetiang hi a ni:

Aizawl District:

•    132kV Sub-Station, Luangmual ah 33kV CT a chhia a, a thara thlak mek a ni. Hemi avang hian Luangmual S/S, Chawnpuia S/S leh Tlangnuam S/S ten an chawm - Aizawl West leh Aizawl south area-a veng tam takin eng an hmu thei lo a ni.

•    Heng bakah hian 11kV line Tlangnuam feeder, NCC feeder & Durtlang south feeder-te a fault a; FCI kudam, Tuivamit bula lei minin 11kV line (Central Jail feeder) a hnawl bawk; Luangmualah leimin avangin LT line a delh chat bawk a ni.

•    33kV Sub-Station, Darlawn atangin 11kV outgoing pakhat mah pek chhuah theih a ni lo.

•    Khaw hrang hrang ah 11kV line leh LT Line siam that ngai a tam hle bawk a ni.

Lunglei District:

•    Lunglei leh chhim lamin power an dawnna pui ber (main line) - 132kV Melriat to Khawiva line a fault avangin power a pek theih loh a, 132kV line Kawmzawl to Bukpui line thing tlu-in a vaw chhe bawk.

•    132kV Sub-Station, Kawmzawl ah 2.5MVA, 33/11 kV transformer a chhia; Lunglei khawpui chhung hmun hrang hrang ah 11kV line leh LT line chat leh ban tlu a awm nual bawk; 33kV Sub-Station, Lungleiah 11kV cable a kan chhiat avangin Lunglei khawpuiin power an hmu thei lo; 33kV line fault a awm avangin, Kawmzawl atangin 33kV Sub-Station, Mualthuam a pek theih loh a, hemi Sub-Station-in a chawm khua ten power an dawng thei lo.

•    Lunglei  BSF camp bula lei min avangin, Zotlang pekna 11kV line a chhia

•    Tlabung leh Borapansury inkar ah thing tlu in 33kV line a vaw chhia. 

•    Lungsen leh Chawngte inkarah Thingzar tliakin 33kV line a vuak chhiat avangin, 33kV Sub-Station Chawngte leh Bungtlang ‘S’ ten power an dawng thei lo. 

•    Khaw hrang hrang ah 11kV line leh LT Line siam that ngai a tam em em a ni.

Siaha District:

•    33kV Sub-Station, Siaha atangin 33kV PHE a pek theih loh a, thing tluin 11kV line  hmun hrang hrangah a delh chhia;  33kV line Siaha to Tuipang a fault avangin, 33kV Tuipang S/S in power a hmu thei lo. 33kV line Tuipang to Phurra pawh thing tluin line a vuak chhiat avangin 33kV Sub-Station Phurra in power supply a hmu thei lo bawk.

•    Khaw hrang hrang ah 11kV line leh LT Line siam that ngai a tam hle bawk a ni.

Champhai District:

•    Champhai khawpuiin power supply a dawng thei a, amaherawhchu, 11kV line leh LT Line a chhiat nasat avangin khawpui chhung leh Khaw hrang hrang-ah Power supply a khaihlak a ni.

Kolasib District:

•    Kolasib khawpuiin power supply a dawng thei a, Chhe nasa lutuk report a awm lo na a, 11kV line leh LT Line-te a chhiat nual avangin khawpui chhung veng thenkhat leh Khaw hrang hrang-ah Power supply a khaihlak a ni.

•    Kawnpui leh Lungdai inkar 33kV line a fault avangin, 33kV Sub-Station, Sentlang (Lungdai) in power a hmu thei lo.

•    Khaw hrang hrang ah 11kV line leh LT Line siam that ngai a tam hle bawk a ni.

Serchhip District:

•    Serchhip khawpui chawmtu 132kV Sub-Station Bukpui-in power a dawn theih loh avangin Serchhip khawpui-ah power supply a khaihlak a, khaw chhung Power line chhiat dan dik tak an la report thei lo.

•    33kV line E.Lungdar to Zaizawhtlang (N.Vanlaiphai) leh E.Lungdar to Khawlailung a fault avangin N.Vanlaiphai khua leh a chheh vel khua (Maicham Division hnuai) te'n power supply an hmu thei lo.

•    Khaw hrang hrang ah 11kV line leh LT Line siam that ngai a tam hle bawk a ni.

Lawngtlai District:

•    Chawnhu Sub-Station (Lawngtlai) a transformer lian, 6.3MVA, 33/11kV  a tha lo a, a enkawltu Engineer te'n an buaipui mek a ni.

•    Lawngtlai khawchhung leiminin, 63kVA Distribution Transformer a hnawl a, AOC veng a tranformer pawh leimin avangin hmun him zawka sawn chhuah a ngai bawk.

•    11kV leh LT Line fault khaw tam tam takah a awm bawk.

Mamit District:

•    Mamit khawpuiin power supply a dawng thei a, amaherawhchu, 11kV line leh LT Line a chhiat nasat avangin khawpui chhung leh Khaw hrang hrang-ah Power supply a khaihlak a ni.

•    33kV Sub-Station, West Phaileng leh Rawpuichhip-te chawmtu 33kV line a chhiat avangin, an chawm khua ten eng an hmu thei lo.

•    11kV leh LT Line fault khaw tam tam takah a awm bawk.

Hnahthial District:

•    Hnahthial khawpui-in power a dawnna 33kV line Bukpui to Hnahthial leh power a dawn theihna dang Theiriat to Hnahthial a fault avangin, Hnahthial Distict pumpui deuh thawin power an dawng thei lo.

•    11kV leh LT Line fault khaw tam tam takah a awm bawk.

Saitual District:

•    Saitual khawpuiin power supply a dawng thei a, amaherawhchu, 11kV line leh LT Line a chhiat nasat avangin khawpui chhung veng hrang hrang leh District chhung Khaw hrang hrang-ah Power supply a khaihlak a ni.

Khawzawl District:

•    132kV Sub-Station, Vankal-a transformer lian 12.5MVA, 132/33kV a kang a, a chhiat nasat dan a bialtu Engineer-te'n an enfiah mek a ni.

•    132kV line Vankal to Khawzawl inkarah, lei tawlh avanga thing tluin line a delh chhia. Hei vang hian E.Lungdar Sub-Station atanga power pek dan ngaihtuah mek a ni.

•    11kV leh LT Line fault khaw tam tam takah a awm a, siamthat hna thawh mek a ni