India ram pum State leh UT-a Power & Electricity changtu Minister te intawhkhawmna atana buatsaih, Renewable Energy & Mines chungchang sawihona hun Guwahati a neih mekah Pu Lal Thanzara, P&E Minister a tel.

He Conference Assam Administrative Staff College Conference Hall Guwahati a neih hi vawiin April ni 9, chawhma dar 11:00khan tan niin Shri Piyush Goyal, Union Minister of New & Renewable Energy in a kaihruai a. State hrang hrang atangin Official an kal thanem hle. He Conference-ah hian mitin ten hnianghnar leh man tlawm zawka kawlphetha an hmuh theihna tur "24x7 Power for All" chu thupuiah hman niin Pu Lal Thanzara pawh hian thusawina hun a hmang a ni.

Power Minister hi Pu L.Pachuau, E-in-C P&W in a tawiawm a, Meeting hi naktuk ni April ni 10 hian neih chhunzawm leh a ni ang.