Public Relations Council of India (PRCI) in chawimawina Chanakya Award for National Achievers-2016 hnuaia KR Singh Memotial Award - for PR and Communication Professionals - Life time Achievement dawng thei tura nomination tam tak an dawn zingah vawiin khan Belvedere Park Club, Eastern Railway Officers Enclave, New Alipore, Near Bhawani Bhawan, Kolkata ah LR Sailo, MIS (Rtd) & Press Secretary to Chief Minister hnenah 10th Global Communication Conclave hawnna ni denchhenin an hlan.

Thlan bikte hnena an lo tih thin angin, LR Sailo hi kum 2009 khan PRCI hian an ‘Hall of Fame’ ah lo lalut tawh bawkin, Association of Business Communicators of India in Bombayah “Fellow of the Brain Trust of ABCI” anlo hlan tawh bawk a, kum 2008 khan Rotary Club of Aizawlin Vocational Excellence Award a pe tawh bawk a ni.

LR Sailo hi Mizoram sorkarah kum 1973 khan lutin, kum 2009 August thla ah Department of Information & Public Relations a Director niin a pension a. Tunah hian Press Secretary to Chief Minister hna a chelh bakah Indian Institute of Mass Communication (IIMC) Aizawl Centre, kum 2011 a Mizoram University Campus a din anih tirh atangin Special Officer in tun thleng hian ala thawk bawk a ni.