Vawiin chawhma dar 10 khan Multipurpose Hall, Mizoram University Campus, Tanhril ah MZU 6th Convocation hman a ni a, Mizoram tlawha lo zin India President Pi Pratibha Devisingh Patil-in a hmanpui.
Convocation programme-a Khuallian President Pi Pratibha Patil chuan Mizoram tlangram hmun mawi taka awm Mizoram University Convocation a rawn hmanpui thei chu lawmawm tiin zirlaite chu an hlawhtlinna ah lawmpuina a hlan a. Zirna leh thiamna sang zawk hmu tura University-a an beihna chu an graduate chhuah hunah chuan a tawp mai lo va, zirna chu damchhunga kalpui chi a ni, a ti. An University thupui - 'hna ropui zawk a la awm' tih chuan hmasawn zelna tur a la awm tih a tichiang a ni, a ti. Kum 2001-a din MZU chuan nasa takin hma a sawn chu lawmawm tiin a aia sang thleng tura a than zel nan duhsakna a hlan bawk. Ram hmasawnna leh dinchhuahna chu a khua leh tui te nunah a innghat a, chu chu zirna an dawn atanga rawn rah chhuak a ni, a ti bawk. Zirna chuan mite hriatna a tizauva, an nunphung a chawikang thin a, remchang a siam a, mite thiamna leh theihna a tipungin a tichak thin tiin President chuan a sawi. Zirna in/hmun te chuan ram pum dinhmun leh khawvel hmasawn zel dante ngun taka thlir rengin zirlaite a buatsaih tur a ni, a ti bawk. India ramah chuan zirna sang zawk hi sorkar chuan a ngaipawimawh hle a ni tiin President chuan Gross Enrolment Ratio pawh kum 2020 ah chuan 30 % -a tihsan tum a ni a, tuna zirlai maktaduai 14 chu maktaduai 40 ah punchhohtir tum a nih thu a sawi lang bawk.
Zirlaite hnenah chuan nun hlawhtling tur chuan mahni invawn/inthunun a pawimawh thu te, rilru leh tih tak zeta beih a tul thu te leh hun hman thiam a pawimawh zia te hre reng thin turin a chah bawk. Universities te chu vantlang hamthatna tura ding an ni a, ram, hnam leh khawtlangah mawhphurhna hlenchhuah tur pawimawh tak an nei tih hre reng thin turin a chah a. Tunlai khawvelah khawtlang tel lova zir thiamna chu a kim lo a ni tiin a hun leh hmun mamawh anga zir bingna MZU-in a buatsaih thin chu lawmawm tiin zirlaite chu khawtlang nunphung leh harsatna tawh te hrechiang tura inkawmhona hun hmang thin turin a fuih bawk. A ram mite mamawhna zawna short term course zirna e.g. - pangpar chin leh enkawl dan te, pa khawi dan leh ramhmul damdawi chungchang te University chuan buatsaih thin se tiin President chuan mautam avanga Mizoram-a buh/thlai ten an tuar dan te chu ngun taka zir chianga awmze nei taka bawhzui dan tur te ngaihtuah tul a tih thu te a tarlang a. Thing, thlai leh pangpara Mizoram hausakna te chungchang chu MZU chuan zir chianga, fel taka chhinchhiaha hma la turin a ngen bawk. University that leh that loh chu zirtirtu Lecturers leh Professors te hnathawhah a innghat a, tha taka khawvel hmachhawn turin an zirlaite an kaihruaiin thurawn tha an pe zel thin tur a ni, a ti bawk. Khawngaihna te, inngeih taka chenho te leh upa te zahna te chu thalai te nunah tuh a pawimawh tiin President chuan midangte hamthatna leh that tlanna ngaihtuah chu zirlai ten hriaa an finna leh thiamna te khawtlang tana hmang tangkai thin turin a chah bawk.
Khual Zahawm Chief Minister Pu Lal Thanhawla chuan tul tak kara President-in MZU Convocation a rawn hmanpui thei chu lawmthu sawiin India ram hmasawn nana zirna a ngaihpawimawhzia tifiahtu a ni, a ti. Graduate chhuak thar te hnena lawmpuina hlanin an thawhrimna leh inpekna te chuan hruaitu chhuan thar duhawm tak a rawn hring chhuak zel thin a ni, a ti. Degree thar nena khawvela an penchhuah hunah an finna leh thiamna te khawtlang rawngbawl nana hmang turin a fuih a. Mizoram Peace Accord-in kum 9 kaltaa a hrinchhuah Mizoram University chuan tlawm takin bul tan mahse vawiin ah chuan zawi zawiin hma a sawn chho ve zel a, a lawmawm hle a ni, a ti. Tunlai huna khawvel sum leh pai / ei leh bar khalhtu chu ram leh khawl lam ni tawh lovin hriatna, thiamna leh mipui tangkaina ah a innghat tawh zawk a ni, a ti a. Ram tin / hnam tin hian an thalai thiam tak tak te tana zirna sang zawk an ngaihtuahsak loh chuan khawvelah a hniam zawkah a awmtir mai ang tih a hlauhthawnawm a ni tiin Chief Minister chuan University pawh hian a research programme te a tihzauh zel a tul a ni, a ti a. University chhuanawm leh puitling tehna chu khawtlangah leh a piahlama mihring hriatna leh thiamna tipungtu a ni em tih a ni tiin Pu Lal Thanhawla chuan zirtirtu te pawh chutiang zawnga hma la turin a ngen a, mipui vantlang pumpui hamthatna tura kaihhruaina tha duang turin MZU chuan a theihna leh ngaihtuahna te hmang turin a chah bawk. Hun lo kal zelah MZU chu ram dang zirlai leh mithiam te nena inkawmhona leh zirhona hmun pawimawh tak a la nih chhoh zel a beisei tlat thu te a tarlang bawk. Nakin lawkah chuan MZU chu ram puma University langsar, subject hrang hranga hmahruaitu leh zirlai mithiam leh ram tana chhawrnahawm tak tak chherchhuaktu a la nih ngei a beisei thu a sawi lang bawk. Graduate thar te chu ram leh hnam tana an finna leh thiamna hmang tangkai tur leh mipui dinhmun chawikan nana an ngaihtuahna te seng thin turin a chah bawk.
MZU Chief Rector Governor Lt.Gen.(Rtd) M.M.Lakhera chuan MZU chu Mizoram tana zirna tha zawk leh nun nuam zawk a awm theih nana Mizoram Peace Accord hrinchhuah a ni, a ti a. Mizoram ah kum 1944-ah High School hmasa ber a ding a, kum 1958 ah College hmasa ber a ding ve chauh a nih laiin vawiin ah chuan Mizoram chu ziak leh chhiar (literacy) thiam lamah chuan India ram puma pahnihna a tling phak der tawh a ni, a ti. Hmasawnna atan zirna chu a tul a ni tiin MZU pawh University naupang te ni mah se la, vawiin ah chuan ram pumin University entawnah an rawn hmang mek a ni, a ti. Mizoram chu hmun kilkhawra awm a nih avanga harsatna hrang hrangin a tlakbuak thin thu sawiin Governor chuan Medical seat pawh ram pumah 37 chauh Mizoram-in a nei chu a beitham em avanga harsatna awm thin te pumpelh nan Mizoram ah Medical College din tura hma lakpui turin President chu a ngen bawk. MZU chu India ram puma Horticulture, Aromatic and Medicinal Plants (HAMP) zirna nei awm chhun a ni tiin kawlphetha mamawh phuhruk nan nizung chakna solar energy 1 MW din tura hmalak mek a nih thu te a sawi lang bawk. Zirlaite fuihna thu sawiin Governor chuan MZU kutchhuak an nih avangin an thiltih leh hmalakna te chuan MZU nihna a tarlang zel dawn a ni tih hre reng thin turin a chah a, keini aia thiam leh sang zawk an awm bik lo tih hriaa taima tak leh huaisen taka ram tan an thiamna te hmang chhuak zel turin a fuih bawk.
MZU Vice Chancellor Prof. A.N.Rai chuan sawihawnna neiin zirna chawikan nana thahnemngai taka hma la thintu President Pratibha Patili'n Convocation a hmanpui thei chu lawmthu a sawi a, Mizoram-a zirna tihhmasawn nan leh MZU tihchangtlun nana chak taka hma lakpui thin tu Chief Minister leh Governor te chungah lawmthu a sawi bawk.
Vawiin MZU Sixth Convocation ah hian mi 320 hnenah Degree hlan an ni a, heng zingah hian Book Prize Winners mi 13, Gold Medalists mi 27, Doctor of Philosophy (Ph.D.) mi 6 leh Master of Philosophy (M.Phil.) mi 5 te an tel a ni. MZU Convocation hi sorkar hruaitu Speaker, Ministers, Parliamentary Secretaries, Member of Parliament (Lok Sabha), MLA te leh Chief Secretary te bakah officials thahnem takin an hmanpui a, Registrar Pu Benjamina'n lawmthu sawina hun a hmang bawk a ni.
Mizoram University hi kum 2001 khan din a ni a, tunah hian department 28 neiin zirlai 1600 vel an awm a, a hnuaiah hian Affiliated College 26 awmin chung college hnuaiah chuan zirlai 7368 an awm mek bawk a ni. MZU-in Constituent College pakhat a neih Pachhunga University College chuan zirlai 1468 a nei mek bawk. MZU ah hian tun atanga reilo te ah department thar pali - Mass Communications, Hindi, Computer Engineering leh Electrical Engineering te hawn tum a ni bawk a ni.
President leh a tawiawmtute hi vawiin tlai dar 4:00 khan Lengpui atangin Tripura panin an chhuak. President hi Mizoram Governor Lt. Gen. (Rtd.) M.M. Lakhera, Chief Minister Pu Lal Thanhawla, Chief Secretary Pu Van Hela Pachuau leh DGP Pu Lalrokhuma Pachuau ten airport-ah an thlah a ni. President hi a pasal Dr. Devisigh Sekhawat in a rawn tawiawm a ni
Zirlaite hnenah chuan nun hlawhtling tur chuan mahni invawn/inthunun a pawimawh thu te, rilru leh tih tak zeta beih a tul thu te leh hun hman thiam a pawimawh zia te hre reng thin turin a chah bawk. Universities te chu vantlang hamthatna tura ding an ni a, ram, hnam leh khawtlangah mawhphurhna hlenchhuah tur pawimawh tak an nei tih hre reng thin turin a chah a. Tunlai khawvelah khawtlang tel lova zir thiamna chu a kim lo a ni tiin a hun leh hmun mamawh anga zir bingna MZU-in a buatsaih thin chu lawmawm tiin zirlaite chu khawtlang nunphung leh harsatna tawh te hrechiang tura inkawmhona hun hmang thin turin a fuih bawk. A ram mite mamawhna zawna short term course zirna e.g. - pangpar chin leh enkawl dan te, pa khawi dan leh ramhmul damdawi chungchang te University chuan buatsaih thin se tiin President chuan mautam avanga Mizoram-a buh/thlai ten an tuar dan te chu ngun taka zir chianga awmze nei taka bawhzui dan tur te ngaihtuah tul a tih thu te a tarlang a. Thing, thlai leh pangpara Mizoram hausakna te chungchang chu MZU chuan zir chianga, fel taka chhinchhiaha hma la turin a ngen bawk. University that leh that loh chu zirtirtu Lecturers leh Professors te hnathawhah a innghat a, tha taka khawvel hmachhawn turin an zirlaite an kaihruaiin thurawn tha an pe zel thin tur a ni, a ti bawk. Khawngaihna te, inngeih taka chenho te leh upa te zahna te chu thalai te nunah tuh a pawimawh tiin President chuan midangte hamthatna leh that tlanna ngaihtuah chu zirlai ten hriaa an finna leh thiamna te khawtlang tana hmang tangkai thin turin a chah bawk.
Khual Zahawm Chief Minister Pu Lal Thanhawla chuan tul tak kara President-in MZU Convocation a rawn hmanpui thei chu lawmthu sawiin India ram hmasawn nana zirna a ngaihpawimawhzia tifiahtu a ni, a ti. Graduate chhuak thar te hnena lawmpuina hlanin an thawhrimna leh inpekna te chuan hruaitu chhuan thar duhawm tak a rawn hring chhuak zel thin a ni, a ti. Degree thar nena khawvela an penchhuah hunah an finna leh thiamna te khawtlang rawngbawl nana hmang turin a fuih a. Mizoram Peace Accord-in kum 9 kaltaa a hrinchhuah Mizoram University chuan tlawm takin bul tan mahse vawiin ah chuan zawi zawiin hma a sawn chho ve zel a, a lawmawm hle a ni, a ti. Tunlai huna khawvel sum leh pai / ei leh bar khalhtu chu ram leh khawl lam ni tawh lovin hriatna, thiamna leh mipui tangkaina ah a innghat tawh zawk a ni, a ti a. Ram tin / hnam tin hian an thalai thiam tak tak te tana zirna sang zawk an ngaihtuahsak loh chuan khawvelah a hniam zawkah a awmtir mai ang tih a hlauhthawnawm a ni tiin Chief Minister chuan University pawh hian a research programme te a tihzauh zel a tul a ni, a ti a. University chhuanawm leh puitling tehna chu khawtlangah leh a piahlama mihring hriatna leh thiamna tipungtu a ni em tih a ni tiin Pu Lal Thanhawla chuan zirtirtu te pawh chutiang zawnga hma la turin a ngen a, mipui vantlang pumpui hamthatna tura kaihhruaina tha duang turin MZU chuan a theihna leh ngaihtuahna te hmang turin a chah bawk. Hun lo kal zelah MZU chu ram dang zirlai leh mithiam te nena inkawmhona leh zirhona hmun pawimawh tak a la nih chhoh zel a beisei tlat thu te a tarlang bawk. Nakin lawkah chuan MZU chu ram puma University langsar, subject hrang hranga hmahruaitu leh zirlai mithiam leh ram tana chhawrnahawm tak tak chherchhuaktu a la nih ngei a beisei thu a sawi lang bawk. Graduate thar te chu ram leh hnam tana an finna leh thiamna hmang tangkai tur leh mipui dinhmun chawikan nana an ngaihtuahna te seng thin turin a chah bawk.
MZU Chief Rector Governor Lt.Gen.(Rtd) M.M.Lakhera chuan MZU chu Mizoram tana zirna tha zawk leh nun nuam zawk a awm theih nana Mizoram Peace Accord hrinchhuah a ni, a ti a. Mizoram ah kum 1944-ah High School hmasa ber a ding a, kum 1958 ah College hmasa ber a ding ve chauh a nih laiin vawiin ah chuan Mizoram chu ziak leh chhiar (literacy) thiam lamah chuan India ram puma pahnihna a tling phak der tawh a ni, a ti. Hmasawnna atan zirna chu a tul a ni tiin MZU pawh University naupang te ni mah se la, vawiin ah chuan ram pumin University entawnah an rawn hmang mek a ni, a ti. Mizoram chu hmun kilkhawra awm a nih avanga harsatna hrang hrangin a tlakbuak thin thu sawiin Governor chuan Medical seat pawh ram pumah 37 chauh Mizoram-in a nei chu a beitham em avanga harsatna awm thin te pumpelh nan Mizoram ah Medical College din tura hma lakpui turin President chu a ngen bawk. MZU chu India ram puma Horticulture, Aromatic and Medicinal Plants (HAMP) zirna nei awm chhun a ni tiin kawlphetha mamawh phuhruk nan nizung chakna solar energy 1 MW din tura hmalak mek a nih thu te a sawi lang bawk. Zirlaite fuihna thu sawiin Governor chuan MZU kutchhuak an nih avangin an thiltih leh hmalakna te chuan MZU nihna a tarlang zel dawn a ni tih hre reng thin turin a chah a, keini aia thiam leh sang zawk an awm bik lo tih hriaa taima tak leh huaisen taka ram tan an thiamna te hmang chhuak zel turin a fuih bawk.
MZU Vice Chancellor Prof. A.N.Rai chuan sawihawnna neiin zirna chawikan nana thahnemngai taka hma la thintu President Pratibha Patili'n Convocation a hmanpui thei chu lawmthu a sawi a, Mizoram-a zirna tihhmasawn nan leh MZU tihchangtlun nana chak taka hma lakpui thin tu Chief Minister leh Governor te chungah lawmthu a sawi bawk.
Vawiin MZU Sixth Convocation ah hian mi 320 hnenah Degree hlan an ni a, heng zingah hian Book Prize Winners mi 13, Gold Medalists mi 27, Doctor of Philosophy (Ph.D.) mi 6 leh Master of Philosophy (M.Phil.) mi 5 te an tel a ni. MZU Convocation hi sorkar hruaitu Speaker, Ministers, Parliamentary Secretaries, Member of Parliament (Lok Sabha), MLA te leh Chief Secretary te bakah officials thahnem takin an hmanpui a, Registrar Pu Benjamina'n lawmthu sawina hun a hmang bawk a ni.
Mizoram University hi kum 2001 khan din a ni a, tunah hian department 28 neiin zirlai 1600 vel an awm a, a hnuaiah hian Affiliated College 26 awmin chung college hnuaiah chuan zirlai 7368 an awm mek bawk a ni. MZU-in Constituent College pakhat a neih Pachhunga University College chuan zirlai 1468 a nei mek bawk. MZU ah hian tun atanga reilo te ah department thar pali - Mass Communications, Hindi, Computer Engineering leh Electrical Engineering te hawn tum a ni bawk a ni.
President leh a tawiawmtute hi vawiin tlai dar 4:00 khan Lengpui atangin Tripura panin an chhuak. President hi Mizoram Governor Lt. Gen. (Rtd.) M.M. Lakhera, Chief Minister Pu Lal Thanhawla, Chief Secretary Pu Van Hela Pachuau leh DGP Pu Lalrokhuma Pachuau ten airport-ah an thlah a ni. President hi a pasal Dr. Devisigh Sekhawat in a rawn tawiawm a ni
