410/2022-2023

Aizawl, the 5^th May 2022: Zan khat riaka Mizoram rawn tlawhtu President Ram Nath Kovind leh a nupui Pi Savita Kovind, First Lady of India te pualin Governor Hari Babu Kambhampati chuan zanin khan  Khuallian tana Chawhlui – State Banquet a buatsaih a. Hemi hma chiah hian Conference hall, Assembly Annexe-ah  Cultural Evening Programme a buatsaih sak bawk a ni.

President Ram Nath Kovind puala Cultural Programme-ah hian Hnam lam chi hrang hrang entir a ni a; Mimal leh Zaipawl te pawhin zaiin hun an hmang bawk a. He hunah hian President hnenah ngaihhruina thilpek Governor Hari Babu Kambhampati leh Chief Minister Pu Zoramthanga ten an pe a ni.

President Ram Nath Kovind  puala Cultural Programme leh State Banquet-ah hian Chief Minister Pu Zoramthanga leh a nupui Pi Roneihsangi, Deputy Chief Minister Pu Tawnluia leh Council of Ministers te sawm an ni a. Assembly lam aiawhin Speaker Pu Lalrinliana Sailo, Deputy Speaker leh Senior MLA te sawm an ni a. Mizoram MP pahnih, State official zinga Commissioner & Secretary chunglam te, Political Party hotulu te leh NGO lian deuh hruaitute an tel a ni.