Vawiin July 12, 2012 hian July 19, 2012-a India President thlanna lo awm tur kimchang chungchangah Pu H.Lalengmawia, Joint C.E.O. Office Chamber-ah mi pawimawhte an kalkhawm a. India President thlan tur chungchangah uluk taka kalpui a tulzia te, hemi hun atana inbuatsaihna atan Security, Assembly Secretariat, Protocol leh DIPR lamin an tihtur theuhte mumal taka tih a nih theih nan remruatna fel tak siam a ni.

July 16, 2012 hian Inthlanna hmanraw pawimawh lo thleng tur pawh uluk taka kalpui a niin, Video Camera nen Lengpui Airport-a lo hmuah a, Strong Room-a a luh thlenga thlalak record siam zelin, inthlanni, July 19-a neih hunah pawh nilengin Official Cameramen te chu duty tur a tih an ni.

Mizorama inthlanna Observer atan Joint Secretary, Finance Ministry-a mi chu July 17-ah a lo thleng dawn a ni.

Hemi huna inthlanna hmuna lut thei turin DIPR chuan mi 14 te tan phalna a tihfelsak mek a ni.