No.7742/2020-2021

Dated Aizawl, the 9th March, 2021: Vawiin ni 9.3.2021 khan State Institute of Rural Development & Panchayati Raj (SIRD&PR), Mizoram buatsaihin Tlangnuam RD Block huam chhunga khaw 13-a VEC Chairman leh Secretary te tan ni 3 chhung (9-11.3.2021)awhtur “Refresher Training Course on Mahatma Gandhi NREGS for VEC Chairmen & Secretaries of Tlangnuam RD Block” chu SIRD&PR Conference Hall – I, Durtlang Leitan-ah neih tan a ni a, Pu Lalhmunsanga Hnamte, Director, SIRD&PR, Mizoram chuan he training hi a hawng.

He Training hawnna Pu Khuangthansanga Pakhuangte, Senior Core Faculty, SIRD&PR, Course Director ni bawk kaihhruaiah hian Pu Lalhmunsanga Hnamte chuan thu sawiin, Village Council te hi in hnathawhna kawng hranghrangah tunlai thiamna hman ngaihna a tam ta hlemai a, chuvangin inzirthar ve zel a pawimawh a ni a ti a. VC te hi in mawhphurhna a sang emem a, Mahatma Gandhi NREGS leh Scheme hranghrang ah te in pawimawh em em a ni tih inhriat a, tha tak leh dik taka inthawh a tul a ni a tibawk.  

SIRD&PR Director chuan Village Council te hian in hnathawhna kawng hrang hrang ah Sawrkar – Department hrang hrangte, tlawmngai pawl te leh mipuite nen in thawh ho thiam a ngai hle a ni, a ti a. Mahatma Gandhi NREGS ah hian inkaihhruaina Dan hrang hrang a tam em em a. Ni 3 chhung lek chuan in zirkim thei dawn lo a, Resource Person ten in tana pawimawh leh tulbikte an zirtir dawn che u a, chung hunah chuan in hriatthiamloh leh in zawh duh te pawh inthlahrunglova zawt zel turin kal khawmte chu chahin, hlawkpui ngei tur a, taima taka training nei tur leh tluang taka an neih theih nan duhsakna hlanin, training hi a hawng a ni.   

Training tura kalkhawmte hi Course Director bakah Pu Lalvensanga, Farm Manager, KVK, Selesih; Pu Peter Zohmingliana, WM, DRDA, Aizawl; Pu Ropianga, APO, BDO Office, Tlangnuam leh Pu Lalchhandama Lailung, Core Faculty (IT), SIRD&PR ten kalkhawmte zirtirna an pe dawn a ni.

He training-ah hian Tlangnuam RD Block huam chhunga khaw 13 atangin VEC Chairman leh Secretary tekalkimin, an vawiin mi 26 an tel a ni.