Nimin Dt.29.7.2010 tlai dar 7:00PM vel khan Treasury Square Police Duty Point bul War Memorial kianga Pu Lalfakawma, I&PR Deptt. driver hna thawk haw tura a kal chu Santro Car-in a su thlu a. A lu-ah leh a taksa dangah hliam a niin thisen a chhuak tam a. Civil Hospital panpui nghal a ni.

Pu Lalfakawma sutu Santro Car hi chak takin chhim lam panin a tlan a, a mi sut hi ngaihven hauh lovin chak takin a tlan tlang zui a. He accident tawhna hmuna lo hmutu mi tlawmngaiten bike leh car-in an umzui nghal a. Santro Car wrong side-a Governor chhim lam gate chhaka tlan chho chu a umzuitu Taxi No. MZ-01D 1991, Pu Lalhmachhuana khalh chuan umphain tihdin a ni a. Taxi driver tlawmngaih vangin mi sutu driver leh motor hi hriatchhuah a ni a. I&PR Department Officer leh staff-ten Taxi Driver leh Bike-a umzuitute chungah lawmthu an sawi.

Police-in car neitu leh car hi an la a ni.