Home Minister Pu R. Lalzirliana chuan tun hnaia mipuite beng verh thil thleng thenkhat chungchangah hetiang hian thuchhuah a siam :
1) Tun hnaia Mizoram chhung Bairabi kawng siamtu ABCI hnathawk zinga mi pahnih(2) misualte rukbo chhanchhuak tura a meizang hlaptu Mizoram State Police CID (SB) hotute kaihhruainaa chhanchhuahna hlawhtling tak kan hmu hi a lawmawm tak zet a, pawisa phut avanga inrukbona hi India ram state dangah leh khawvel ram ropui tak takah te thleng ve fo thin niin, kan Police ten kidnapped te an chhanchhuah dan erawh hi chu a fakawm chungchuang hle a ni.
Kan Police te ramchhuak hlawhtlinna avanga Political Party hrang hrang te, NGO leh mipui tam tak te lawmthu sawina han hriat hian mi a tilawm tak zet bawk a ni.
2) Kumin (2011) April thla tawp lam khan Mizo hmeichhia Zodingliani, kum 27 mi Tedingi/Rosy-i tia koh thin Vairengte khua nia insawi chuan Mumbai-a Massage Parlour leh Beauty Parlour-a hna thawh tur hmuh sak nia insawiin Vairengte nula pakhat (1) leh Lunglei nula pathum (3) te chu Mumbai-ah a hruai thla a; mahse, a ruka inzawrhna hmunah a hralh ta zawk a ni. An zinga pakhat (1) hian an chhungte engtin tin emaw be pawpin hrehawm a tih thu leh chhanchhuah an ngaih thu a hrilh a. Kan Police ten he thu an hriat veleh Vairengte Police Station-ah Case an register a. He thil hi ahmanhmawhthlak hle a ni tih sawrkarin a hria a. Rescue Team siamin Pu Joseph Lalchhuana, SP CID (Crime) kaihhruaina in kan Police Office pathum (3) dangte nen ni 19.6.2011 khanMumbai an thleng a. Ni 20.6.2011 zan dar 11:30 velah Mumbai khawpui JUNG SANTACRUZ hmun chu dapin Mizo nula pahnih (2) chu an chhanchhuak ta a. Heta mawhphurtu Zodingliani leh a thianpa Shodit Hasta Thapa (28) Mumbai a mite pawh chu man nghalin Aizawl lama rawn hruai chhoh tura ruahman mek an ni.
Kan ram leh mipuite tana kan Police te inpekna leh remhriatna mipuite hriat leh hmuhtheiha a lo lang thin hian Pathianin Pu Lai Thanhawla kaihhruai sawrkar hi nasa takin mal a sawm mek a ni tih a lantir a ni.
3. Ni 19.6.2011 zana Chhinga Veng Y.M.A. Branch President khawhar in kal hawng chemtea lo vittu chu vengchhung thalai ten zawngin ni 20.6.2011 chhun ah man a ni a, Vengchhung thalai rual ten misual chu mana, a thiltih sual phu anga mahni kutzala chingfel mai lova, Dan kengkawhtu Police-te kuta him dam taka an pe thei hian min tilawm takzet a ni. Kawng dika kal tura min zirtirtu YMA member ten Kristian nun zemawi tak dawhtheihna leh ngilneihna an rawn lan chhuahtir hi a ropui tak zet a. Val Upa thu an zawm theihzia a tilang a. Branch dang member te pawhin hetiang chet-zemawi tak hi min zirtirtu atan i hmang theuh ang u. Chhinga Veng YMA Branch hruaitute leh member zawng zawngte hnenah Home Minister ka nihna angin lawmthu ka sawi a ni.
Kan Police te ramchhuak hlawhtlinna avanga Political Party hrang hrang te, NGO leh mipui tam tak te lawmthu sawina han hriat hian mi a tilawm tak zet bawk a ni.
2) Kumin (2011) April thla tawp lam khan Mizo hmeichhia Zodingliani, kum 27 mi Tedingi/Rosy-i tia koh thin Vairengte khua nia insawi chuan Mumbai-a Massage Parlour leh Beauty Parlour-a hna thawh tur hmuh sak nia insawiin Vairengte nula pakhat (1) leh Lunglei nula pathum (3) te chu Mumbai-ah a hruai thla a; mahse, a ruka inzawrhna hmunah a hralh ta zawk a ni. An zinga pakhat (1) hian an chhungte engtin tin emaw be pawpin hrehawm a tih thu leh chhanchhuah an ngaih thu a hrilh a. Kan Police ten he thu an hriat veleh Vairengte Police Station-ah Case an register a. He thil hi ahmanhmawhthlak hle a ni tih sawrkarin a hria a. Rescue Team siamin Pu Joseph Lalchhuana, SP CID (Crime) kaihhruaina in kan Police Office pathum (3) dangte nen ni 19.6.2011 khanMumbai an thleng a. Ni 20.6.2011 zan dar 11:30 velah Mumbai khawpui JUNG SANTACRUZ hmun chu dapin Mizo nula pahnih (2) chu an chhanchhuak ta a. Heta mawhphurtu Zodingliani leh a thianpa Shodit Hasta Thapa (28) Mumbai a mite pawh chu man nghalin Aizawl lama rawn hruai chhoh tura ruahman mek an ni.
Kan ram leh mipuite tana kan Police te inpekna leh remhriatna mipuite hriat leh hmuhtheiha a lo lang thin hian Pathianin Pu Lai Thanhawla kaihhruai sawrkar hi nasa takin mal a sawm mek a ni tih a lantir a ni.
3. Ni 19.6.2011 zana Chhinga Veng Y.M.A. Branch President khawhar in kal hawng chemtea lo vittu chu vengchhung thalai ten zawngin ni 20.6.2011 chhun ah man a ni a, Vengchhung thalai rual ten misual chu mana, a thiltih sual phu anga mahni kutzala chingfel mai lova, Dan kengkawhtu Police-te kuta him dam taka an pe thei hian min tilawm takzet a ni. Kawng dika kal tura min zirtirtu YMA member ten Kristian nun zemawi tak dawhtheihna leh ngilneihna an rawn lan chhuahtir hi a ropui tak zet a. Val Upa thu an zawm theihzia a tilang a. Branch dang member te pawhin hetiang chet-zemawi tak hi min zirtirtu atan i hmang theuh ang u. Chhinga Veng YMA Branch hruaitute leh member zawng zawngte hnenah Home Minister ka nihna angin lawmthu ka sawi a ni.
