Information & Public Relations Department bultuma Sikkim-a chanchinbumi 7 kal te chuan vawiin khan Sikkim khawpui Gangtok khaw chhunga hmun pawimawh hrang hrang an tlawh kual a, heng chanchinbumi te hi IPRO Pu Vabeiratlua chuan a ho a,Gangtok atangin TT lepcha, Editor, Lepche Sikim Herald chuan a hruai kual thung a ni.

Chanchinbumite hian vawiin khan Chogyal PaldenThondup NamgyalMemorial park te, Banyhakri Falls Energy Park te,Skiim Institute of Higher Nejingma Study, Govt. of Sikkim, Kanchengjunga tlang lan theihna Tashi View Point tek, Bakthang Falls te, Flower ExhibitionCentre, Hanloom & Handicraft Centre te,Namgyal Institute of Tibetology leh ganeshtok te an tlawh a ni.

Heng Chanchinbumi 7 te hi Gangtok an thlen hmain, Guwahati-ahInformation & Public Relations Minister, Zodintluanga chuan Mainland China Hotel-ah zanriah a buatsaih sak a ni.

Mizoram atanga chinchinbu mi kal te hian Sikkim chu Mizoram aia chhengchhe zawk leh kawngpui nei tha lo zawk nia an hriat thu te, heti chunga an hmun neih ang chhun an cheibawl thiam avanga tourist ten an tlawh nasat thu an sawi a. Sikkim chu Aizawl aia ropui lo zawk ni mahse, an New Market hmunah lirthei kal phallohna hmun nuam tak, Urban Development & Housing department-in a siam te chu tha hle a an hriatthu an sawi.

Sikkim-ah chuan dan a lal hle niin an hria a. Meizuk khapna dan chu khauh taka kenkawh niin, khawi hmunah pawh meizuk khapna dan hi zawm a ni a. Hotel leh dawr-a mei zu te chu Rs. 500 chawi tir an nih bakah,Hotel neitute pawh Rs. 1000 chawitir an ni a. Motor chhunga meizu an awm pawhin driver te pawisa an chawi ve zel a ngai bawk.

Sikkim-ah hian dawr tin-ah kangthelhna (Fire Extinquisher) dah vek a ni a, chu chu uluk taka endik (check) vek zel a ni bawk a, chu chu entawn tlak hlein an hre bawk. Hetih rual hian Sikkim-a mihring cheng 30% vel chu a ram mi ni lo anni tawh a, heng an ram leilung fa ni lo te hian sumdawnna lian zawngzawng deuhthaw an kalpui tih an hmu a, Mizoram pawh hemi kawngah hian fimkhur a tul hle niin an hria.

Sikkim-ah hian tawng hrang hrang 13 vel an hmang a, inbiak pawhna atan Nepali an hmang deuh ber a, an chanchinbu lian ber \'Sikkim Express pawh english-a tihchhuah a ni.

Vawiin hian Nathula Pass an tlawh leh ang a, Pathianni hian Aizawl an lo thleng ang.

Sikkima chanchinbumi kal te hi - H.Laldinmawia (The Zozam Times),Ricky Vanlalnghaka (Mizo Aw), Lalremruata Ralte (Tawrhbawm),H.Lalngaihawma (Hnehtu), H.Vanlalnghaka (DDK, Kolasib), Lalnunkima Pisa (HS Vision, Saiha), Lucas Thangmangliana (Dumde, Champhai) te anni.