686/2022-2023
Dated Serchhip, the 30th May, 2022: Vawiin khan Prime Minister Pu Narendra Modi chuan Video Conference hmangin PM Cares for Children Scheme hmalakna thilah ram puma district thuneitute nen virtual meeting a nei a, Serchhip district atangin Pu Lalmuansanga Ralte, Addl. Deputy Commissioner hovin DC Meeting Hall ah he hun hi lo zawm ve a ni.

PM Cares for Children Scheme hi nikum May ni 29 khan Prime Minister hian a lo hawng tawh a, a thiltum ber chu naupang, Covid19 hripui vanga an nu leh pa chante emaw anmahni enkawltu/chawmtu ber chantute; baihvai ral zui mai lova an puitlin thlenga a tul ang zela enkawlna leh tanpuina an dawnna tur scheme a ni. Naupang, Covid19 hripui avanga enkawltu nu leh pa nei lova baihvai mai turte chu an damkhawchhuah ngeina tura an mamawh chi hrang hrang, zirna te, health Insurance te leh thil tul dang awm thei apiangte kum 23 an tlin thlenga enkawl zuina he PM Cares for Children hnuaiah hian ram pumah kalpui mek a ni.

Ram chhung State 33 a district 611 atangin he tanpuina dawng tura dilna 9042 a lut tawh a, an zinga 4345 te chu a dawng thei tura pawm fel tawh an ni. Serchhip District atangin naupang 4 te chu a dawng thei tura thlan zingah an tel a ni.

Vawiina Video Conference ah hian naupangte hian Prime Minister lehkhathawn te, PM Cares Certificate te, PM Cares Passbook te leh PM-JAY Health Card te leh PM Cares for Children Document pawimawh dangte an dawng nghal a ni.