2073/2025-2026
11th September, 2025 : Prime Minister Pu Narendra Modi chuan September ni 13, 2025 (Inrinni) hian Aizawl Lammualah Bairabi-Sairang rel kawng a hawng dawn a, Sairang Railway Station atanga chhuak tur rel service chu Aizawl Lammual atangin a vailiam nghal ang.
Mizoram Sawrkar chuan he huna tel tur hiam Zoram mipuite a sawm a, a lawmna pui ber lammualah hian mipui a duh apiang tel theih a ni a, luh man a awm dawn loh bakah ID card pawh ken luh a ngai lovang. Security checking erawh tih a ni thung ang.
Zirlai naupangte leh sawrkar hnathawkte pawh he hunah hian tel tura sawm an ni a, zirlai naupangte phur tur hian Bus 14 leh sawrkar hnathawkte phur turin bus 26 ruahman a ni.
He huna tel turte chu zing dar 8:30 ah Aizawl Lammualah luh kim vek tur a ni ang.
